Konan á vespunni og kúnstugt kattalíf

Þetta verður svona matar- og kisublogg, aldrei þessu vant ... Hulda snillingur var með gráðaostfylltar kjúklingabringur í matinn. Hún steikti líka saman sneiðar af gulrótum og döðlum með kókosmjöli ... mjög gott þótt ég hafi sleppt döðlunum.
Hulda býr hinum megin á Skaganum, Vesturgötumegin, hefur sjóinn upp við garðinn sinn og er með útsýni yfir til Snæfellsjökuls. Hún er líklega eina konan á Skaganum sem fer allra sinna ferða á lítilli vespu og finnst það alveg frábært. Hún sagði mér að fólk á öllum aldri ferðaðist á þennan máta á Spáni og því ekki á Akranesi.
Myndin af rólu og brimi er tekin rétt hjá húsinu hennar. Hún hefur alla vega þetta útsýni. Fattaði ekki að taka með mér myndavélina í kvöld ...

Elskan hann Bjartur er kominn í pössun og byrjaði á því að ráðast á Tomma sem flúði undir rúm. Kubbur er enn uppi á skáp og nú er augnaráðið hræðslulegt. Kommon, kettir mínir, Bjartur er minni en þið og skíthræddur, þess vegna lætur hann svona. Mía og Sigþór ætluðu aldrei að geta kvatt dúlluna sína, ætla að heimsækja hann á morgun. Það á að fara að mála gluggana hjá þeim og þeim fannst betri meðferð á kettinum að koma honum í sumarbúðir í himnaríki en loka hann inni einhvers staðar á meðan málningin er að þorna, svo tekur eitthvað annað við svo að Bjartur verður í nokkra daga. Hann er farinn úr glugganum og lagstur í stól fyrir aftan mig, elsku dúllan eltir mig um allt. Mínir eigin kettir eru í gíslingu og þora ekki að ganga frjálsir um af hræðslu við hrædda köttinn ... þetta kattalíf.

Jæja, best að fara að horfa á nýju DVD-myndina með Hugh Grant. Ellý segir að hún sé góð! 

Athugasemdir

[Björg K. Sigurðardóttir, 15.7.2007 kl. 22:33]

Music and lyrics er góð mynd og hallærislega fyndin á köflum. Góða skemmtun.

eða ertu ekki annars að meina music and lyrics? 

[Katrín Snæhólm Baldursdóttir, 15.7.2007 kl. 22:38]

Nýja myndin með Hugh Grant fannst mér ekkert sérstök...en ég ætla að lauma mér uppí með tölvuna og horfa á Fur með Noceole Kidman. Held að hún sé góð. DVD spilarinn minn er dáinn, blessuð sé minning hans.

Lífsreynsla mín bara eykst og eykst  eftir því sem ég les meira í lífsreynslubókinni. Knús og sofðu vel með öllum kisunum.

[Guðríður Haraldsdóttir, 15.7.2007 kl. 22:38]

Jú, held að hún heiti það. Takk

[www.zordis.com, 15.7.2007 kl. 22:38]

Vespur eru kúl og notalegur fararmáti ..... Ég er stadrádin ad fá mér mótorhjól ef ég naeli mér í próf!  Kvedjur á Akranesid ....

[Guðríður Haraldsdóttir, 15.7.2007 kl. 22:41]

Missti af þér, frú Katrín. Ætti kannski að verja kvöldinu í aðra mynd, sú heitir Apocalypto ... eftir Mel Gibson, allir segja hana alveg stórkostlega, er samt meira í stuði fyrir léttmeti í kvöld.

[Guðríður Haraldsdóttir, 15.7.2007 kl. 22:42]

... og kveðjur til Spánar, elsku Zordís!

[Maja Solla (IP-tala skráð) 15.7.2007 kl. 23:00]

Apocalypto er frááábææær.... Skelltu þér á hana.

[Magnús Geir Guðmundsson, 15.7.2007 kl. 23:33]

Halló fröken G!

Ættir nú frekar að vera að lesa, mannstu?

En vegna þess að ég er forvitin og fjári minnugur stundum, getur verið að þinn elskulegi mágur hann Sigþór sé Ómarsson?

Mig minnir nefnilega að þú hafir sagt að þín systa Mía,´hafi átt heima í fögrum bæ forðum daga, en þá spilaði flottur sóknarmaður með Þór, að nafni Sigþór Ómarsson!

[Hrönn Sigurðardóttir, 15.7.2007 kl. 23:37]

Alveg fell ég fyrir þessari rólu í hvert sinn sem ég sé hana.....

[Jenný Anna Baldursdóttir, 16.7.2007 kl. 01:09]

Mæli með mynd Gibbsons, ég var hugfangin bæði af sögunni og umhverfinu og leikararnir voru auðvitað brilljant.

[Guðríður Haraldsdóttir, 16.7.2007 kl. 07:50]

Magnús, Mía systir hefur aldrei átt heima á Akureyri (fögrum bæ), önnur systir aftur á móti. Þetta er ekki hinn flotti sóknarmaður Sigþór, heldur hinn flotti bankamaður Sigþór sem er maður Míu.

[Magnús Geir Guðmundsson, 16.7.2007 kl. 15:12]

Takk fyrir þetta Gurrí góð!

Þá geng ég ekki með neinar grillur um þetta, en gat svosem verið samt!

[Kristín M. Jóhannsdóttir, 16.7.2007 kl. 16:31]

Geturðu fengið uppskriftina hjá Huldu. Þetta hljómar hvort tveggja æðislega. Mig langar að búa til svona mat.

[Guðríður Haraldsdóttir, 16.7.2007 kl. 16:42]

Skal gera það, Kristín!