Sem beljur á svelli ...

Alltaf gaman að horfa á Formúluna í rigningu. Bílarnir minna á beljur á svelli. „Mögnuð uppákoma,“ segir þulurinn. Keppnin stoppuð og beðið eftir sólinni.

Mér tókst ekki að lesa nema 10 blaðsíður í Potter í gærkvöldi og held jafnvel að ákvörðunin um að klára hana um helgina náist ekki. Ég sagði heldur ekki hvaða ár þessi helgi ætti að vera.

Mikið held ég að Bjartur í sumarbúðum verði glaður að komast heim og geta farið út. Tommi nennir ekki að „leika“ við hann (frekar ofbeldisfullt þó) og Kubbur urrar bara ef hann horfir á hana. Hann reynir í sífellu að snapa fæting. Þori þó ekki að leyfa honum að fara út á svalir, vil ekki að hann príli upp á þak og renni alla leið niður.

Athugasemdir

[Jóna Á. Gísladóttir, 22.7.2007 kl. 13:02]

Formúlan.... 

[Kristín Katla Árnadóttir, 22.7.2007 kl. 13:41]

Já Formúlan það er nú það.

[Ásdís Sigurðardóttir, 22.7.2007 kl. 14:26]

Er spennandi að lesa söguna þegar maður veit endirinn?? Letikveðja til þín og dýranna í Skagaskógi

[Jenný Anna Baldursdóttir, 22.7.2007 kl. 14:33]

HVER ER ENDIRINN????????????? Djísús það er legið á sumu eins og ormur á gulli.

[Guðríður Haraldsdóttir, 22.7.2007 kl. 14:41]

Iss, mér gengur ekkert að lesa bókina, allt of skemmtileg Formúlan til þess. Næ kannski einhverjum blaðsíðum í dag, of mikil bjartsýni að halda að hægt sé að klára hana. Er með stórt heimili; tvo ketti og einn í pössun ... og húsverkina. Veit ekki endinn og mun eflaust ekki upplýsa um hann hér á blogginu þegar hann er kominn á hreint, sorrí, Jenný! 

[Huld S. Ringsted, 22.7.2007 kl. 15:41]

Formúlan er skemmtilegust þegar eitthvað gengur á, ég ætla að kaupa Harry Potter fyrir dóttir mína, var að hugsa um að kíkja á endinn

[Anna Ólafsdóttir Björnsson, 22.7.2007 kl. 20:01]

Formúlan, sem ég hef vanrækt samviskusamlega, greip athygli mína í dag, og ég horfði með ákafa á frá upphafi. Coultard minn aðeins að rétta úr kútnum enda ekki nema fyrir reynslubolta að valda þessu geðveiku aðstæðum. Held að þetta sé ein mest spennandi formúla sem ég hef heyrt um. Núna vantar mig bara að fá að vita endinn á Harry, ég geymi það til seinni ára að falla fyrir þessum bálki, las meiri hluta bókar nr. 2, sem mér skilst að sé einna síst þeirra, en hef horft nokkrum sinnum á myndina (nr. 1 alla vega) mér til mikillar ánægju. Get eiginlega alveg tekið undir með Illuag Jökulssyni sem segist mjög hrifinn af Harry Potter æðinu en hafi ekki fallið fyrir bókunum. Og þar sem ég kíki alltaf aftast í bækur (nema eina sem ég þýddi og vissi ekki hvernig fór fyrr en ég var búin með fyrsta uppkast af þýðingunni) þá langar mig aðallega að vita hvort Harry lifir eða deyr. Veit að ég get flett því upp á netinu en það skemmtilega er að ég mun ekki hafa hugmynd um hvort þær fréttir eru ábyggilegar fyrr en einhver á heimilinu (Hanna) kaupir bókina.

[Magnús Geir Guðmundsson, 22.7.2007 kl. 20:19]

Hvað segir þú fröken Gríngjörn!

Er gaman að horfa á Formúluna í rigningu!?

Gluggarnir eru þá semsagt endanlega búnir að gefa sig og þakið farið líka hahahaha!

En vonandi hress og kát og hugsar með tilhlökkun til vinnuvikunnar!

Og blessuð vertu ekkert að kjafta þessum örlögum Harry, ekkert svo merkileg!