Yfirsof og kossar í morgunsárið!

Mikið er gaman að vera komin í elsku vinnuna. Næstum allir karlmennirnir sem vinna með mér hafa kysst mig á kinnina í morgun og tautað eitthvað. Ég hlusta ekki á það sem þeir segja, nýt bara kossanna. Vona að þetta tengist útlitinu eða persónunni, ekki afmælinu! Er þó ekki í kynþokkabolnum frá mömmu. Maður mætir helst ekki gærulegur í vinnuna, enda er ekki alltaf snjallt að blanda saman starfi sínu og ánægju. Ansi tímafrekt! 

Svaf yfir mig um klukkutíma í morgun og var svo heppin að  næsti strætó (kl. 7.41) fór líka alla leið í bæinn, eins og fyrsta ferð, í stað þess að fleygja farþegunum út í Mosó. Hoppaði út við Vesturlandsveg og nú var engin Sigþóra til að halda aftur af mér upp Súkkulaðibrekkuna ... (DJÓK!).

Athugasemdir

[Kristín Katla Árnadóttir, 14.8.2007 kl. 10:05]

Þú ert alltaf næs.

[Katrín Snæhólm Baldursdóttir, 14.8.2007 kl. 10:14]

Ojjj... ertu ekki öll í slefi á öxlunum????

[Rebbý, 14.8.2007 kl. 11:03]

alltaf svo gaman að fá athyglina og kossar í kaupbæti eru ekki leiðinleg ábót

[Bragi Einarsson, 14.8.2007 kl. 11:07]

Ekki eru þetta gaurarnir í vinnunni þinni? O þú þarna í miðjunni? Annars, til hamingju með daginn um daginn. Hefði litið við ef ég hefði vitað af teitinu

[Guðný Anna Arnþórsdóttir, 14.8.2007 kl. 11:16]

Alltaf gott að fá kyssinga á kinnar!  Svona verður maður afslappaður með aldrinum, sefur bara yfir sig eins og ekkert sé!

[Guðríður Hrefna Haraldsdóttir, 14.8.2007 kl. 12:27]

Alltaf gaman að láta kyssa sig, þrátt fyrir slef á öxlum, en þetta gerist bara einu sinni á ári. Ég reyni að plata strákana í jólakoss eða koss í tilefni af bolludeginum ... nei, fæ bara afmæliskossa! Samantekin ráð, samráð, ætti að kæra ...

[Karl Tómasson, 14.8.2007 kl. 12:55]

Það er einn galli við bollukossin. Þá er slefið rjómablandað.

Það er allt að verða vitlaust í könnuninni, engin smá spenna.

Bestu kveðjur frá Kalla Tomm úr Mosó.

[Ásdís Sigurðardóttir, 14.8.2007 kl. 13:33]

Njóttu kossanna og mundu svo að mæta í nýja bolnum frá mömmu í jólapartýið, þá er ég nú hrædd um að einhver slefi leki niður lautina þína.   hehe

[Pálína (IP-tala skráð) 14.8.2007 kl. 14:54]

Sendu mér póst á [e-mail] með subject: Prufupakki og þú færð sent frítt lífsstílsmat og prufupakka. Alger snilld fyrir þá sem þora að prófa góða næringu! Kv. Pálína

[Jóna Á. Gísladóttir, 14.8.2007 kl. 15:15]

Njóttu Gurrí mín. Njóttu.

[Guðríður Hrefna Haraldsdóttir, 14.8.2007 kl. 16:44]

Já, þetta eru ansi huggulegir strákar sem vinna með mér, svo eru þeir næs líka, þurfti ekki að pína nema hluta þeirra til að kyssa mig! Já, ég nýt þess, Jóna! 

[Magnús Geir Guðmundsson, 14.8.2007 kl. 17:04]

Ég myndi nú kyssa þig á munninn, er bara þannig upp alin,þó ég viti líka að mikill sannleikur liggi í eftirfarandi afbragðslínum! (og ætli strákarnir þínir viti það ekki líka!?)

Kysstu aldrei mann á munninn,

magnast getur náttúran.

Það er of seint að byrgja brunninn,

þegar barnið er dottið on´í hann!

Og uppástunga!

Skella sér í bolinn bara í sólböðin úti á svölum!?