Það er byrjað ...

Gemsinn hringdi inni í stofu rétt fyrir 10 í morgun. Ég svaf svefni hinna óraunsæu sem halda að hægt sé að vakna útsofinn um þetta leyti þrátt fyrir að hafa hunskast seint í rúmið. Erfðaprinsinn kom hlaupandi með símann. Eftir símtalið:

„Hver var þetta?“

„Þetta var húsfélagsformaðurinn, hann kemur eftir svona hálftíma!“

„Hvað vill hann?“ Tortryggnin vöknuð, enda er Níels ekkert óhuggulegur maður.

„Hann þarf að kíkja á svalirnar og stunda kynmök með móður þinni.“

„Jæja!“

(Eins og sést t.v. á myndinni hefur nokkrum fyrirtækjum á Akranesi dottið það snjallræði í hug að auglýsa inni á blogginu hjá mér. Nú sést ýmist Olís eða Tengi eða önnur stórkostleg fyrirtæki þegar ég tek mynd yfir hafið og skelli á bloggið mitt. Mikið ofboðslega er ég hreykin að hafa verið valin. Nema ég hafi misskilið eitthvað og það eigi að taka bíómynd, t.d. Flags of our Mothers. hér á hlaðinu.) 

Athugasemdir

[Edda Agnarsdóttir, 29.9.2007 kl. 10:42]

Það er huggulegt - já og í þessu líka fína roki! En er svalaplássið ekki ansi lítið, minna en bíl. Móðir þín og húsvörðurinn hljóta að hafa verið í Gerplu og kannski Ármanni!

[Guðríður Hrefna Haraldsdóttir, 29.9.2007 kl. 10:57]

Svalaplássið er rosalega mikið, þetta eru alvörusvalir, sko!!! Níels búinn að koma og kíkja á svalirnar og allt fór fram með miklum síma, enda fylgdist erfðaprinsinn vel með.

[Ragnheiður , 29.9.2007 kl. 11:08]

Hann hefur áreiðanlega ekki þorað að blikka auga á meðan..hehe. Þið eruð flottust þarna mæðginin. Knús á Skagann !

[Ólöf Anna , 29.9.2007 kl. 11:30]

haha með miklum síma  Er of snemmt fyrir þig

En góðan dag og eigið yndislegan dag saman þú og prinsinn.

[krossgata, 29.9.2007 kl. 12:04]

Strax farinn að passa þig engillinn.  Hann ætlar greinilega að standa sig vel í hlutverkinu. 

[Heimir Lárusson Fjeldsted, 29.9.2007 kl. 12:47]

Þín vegna vona ég að aldrei komist lag á þessar svalir;)

[Jóna Á. Gísladóttir, 29.9.2007 kl. 15:00]

Erfðaprinsinn greinilega með jafnaðargeð . Frú Gurrí... þú ert fyndin. Takk fyrir færslu

[Guðríður Hrefna Haraldsdóttir, 29.9.2007 kl. 15:13]

Gvuð, ég tók ekki eftir því að allt hafi farið fram með miklum SÍMA, auðvitað átti þetta að vera SÓMA! Ég óskaði elsku Röggu minni góðrar nætur í gær og sagðist vona að hún svæfi RÉTT! Hún lofaði að taka hallamál með sé í rúmið. Já, Ólöf Anna, þetta var of snemmt fyrir mig. 

Drengurinn hefur gífurlega mikið jafnaðargeð, ótrúlegt! Hann hefur þurft að búa með þessarri móður í 27 ár. Mömmunni sem sagði einu sinni við hann úti í búð: "Já, farðu út í bíl til afa, passaðu þig bara þegar þú ferð yfir götuna, ég vil ekki að páskaeggin brotni." Fólkið í búðinni hafði engan húmor fyrir þessu og skammaði mig. Hehheheheh