Sein Miss Marple og dularfulla farþegahvarfið ...

Mikið var gott að geta bara skrifað sápuóperu á bloggið um helgina. Það losaði mig undan því að þurfa að lenda jafnvel í hættulegum ævintýrum til að skrifa um. Held að þið vitið ekki hvað ég fórna mér fyrir þetta blogg og ylhýra bloggvini mína; ævintýri á strætóför, daðra við tæknimenn ... horfa á Bold and the Beautiful og allt. Það var nú bara letilegur sloppadagur í gær af þessum sökum, ég steingleymdi algjörlega að klæða mig, sem kom sér vel í gærkvöldi þegar ég þurfti ekki að fara að hátta og ansi fljótlegt var líka að fara í bað.

Við Ásta ókum fram hjá tómum Skagastrætó á leiðinni, litum hræddar, óttaslegnar og skelfingu lostnar hvor á aðra og fengum hroll. Báðar mundum við eftir Stephen King-bókinni FURÐUFLUG þar sem farþegarnir sem voru vakandi í flugvélinni hurfu endanlega en þeir sem sofnuðu hurfu ekki, heldur lentu í óhugnanlegu ævintýri þar sem svarthol kom m.a. við sögu (er ekki að tala um svæðið í kringum 101 Reykjavík). Held að þetta hafi ekki gerst í morgun, þá hefði Sigþóra átt að sjást, hún sofnar alltaf í strætó.

------       ----------        --------------          ---------         ---------     -----

Næstsíðasti frábæri atburður helgarinnar var þegar SMS kom frá Ástu um drossíufar í morgun og sá síðasti var Miss Marple þáttur á Stöð 2. Hann var ekki búinn fyrr en kl. 1 í nótt og nú er ég með hausverk. Vildi að þessir viðbjóðslegu fokkings Tudor-þættir um eiginkonumorðingjann Hinrik VIII hætti svo að ég geti farið að sofa klukkutíma fyrr, Miss Marple-myndirnar eru alveg frábærar, nema ALLT of seint á dagskrá sunnudagskvöldanna. Annars var lögfræðingaspennuþáttaröðin sem hófst á Stöð 2 í gærkvöldi (á eftir Monk) alveg ferlega spennandi, mæli með honum.

Eigið góðan, frábæran, æðislegan dag! Mæli svo um og legg á!!!

Athugasemdir

[Steingerður Steinarsdóttir, 8.10.2007 kl. 10:10]

Gott að heyra elskið mitt að þú kunnir að fara með galdur. Ég heyrði nefnilega nýlega: Legg ég svo á og mæli með!

[Katrín Snæhólm Baldursdóttir, 8.10.2007 kl. 10:54]

Legg svo á og mæli um...samtaka svo stelpur og sjáum hver afraksturinn verður. Hver galdrar með sínu nefi.. Eigum við að sjá hvort við getum breytt Þresti í myndarmann??   Psssttt...Vel hann sem viðfangsefni þar sem ég veit að okkur mun ekki mistakast galdurinn..Legg svo á og mæli um Voila!!! Þröstur!! Hvernig ertu..kíktu í spegil..NÚNA!! Bíð spennt!

[Jenný Anna Baldursdóttir, 8.10.2007 kl. 11:10]

Álögin slógu inn.  Ég á æðislegan dag.  Lalalala

[Ásdís Sigurðardóttir, 8.10.2007 kl. 13:56]

Sein miss Marple, las ég náttl. upp á þýzku, svo mikil málamanneskja eða þannig, en þegar ég fattaði sein upp á íslensku skildi ég þig undireins, er alveg sammála, á mjög erfitt með að vaka svona lengi, en elska myndir eftir bókum Agötu, Tudor og hans lið getur verið á nóttunni mín vegna eða bara ekkert. Þeir verða nú að hugsa um okkur þreytta fólkið. Eigðu góðan dag   

[Þröstur Unnar, 8.10.2007 kl. 17:33]

Grrrrr...... hef enn ekki breyst í myndarmann, þið eruð lélegar galdranornir.

[krossgata, 8.10.2007 kl. 18:35]

Ég horfi alltaf á Tudor.    Horfði líka á fröken Marple... en er búin að sjá flestar þessar Marple-myndir á BBC Prime, svo ég get farið að sofa snemma ef mér sýnist svo.

Mjög óhuggulegt dæmi með strætófarþegana.  Hefur spurst til þeirra aftur?

[Katrín Snæhólm Baldursdóttir, 8.10.2007 kl. 18:45]

Þröstur minn..galdurinn virkaði fullkomlega..spegilllinn þinn er að stríða þér. Séru frosk??

[Þröstur Unnar, 8.10.2007 kl. 18:51]

Já

[Guðríður Haraldsdóttir, 8.10.2007 kl. 20:39]

Ekkert hefur spurst til farþeganna, frétti ekkert fyrr en á miðvikudaginn, það verður Betu-dagur á morgun og heimavinna. Frétti þó að Þröstur væri orðinn voða sætur, flýgur fiskisagan.