Bara sooooo gaman

Takk fyrir kveðjurnar, hjartagullin mín, þetta gekk bara ljómandi vel, og frábært að Skagaliðið sigraði. Það var heilmikil pressa á okkur, frétti rétt fyrir þáttinn að Skessuhorn hefði sagt að við værum síðasta von Vesturlands! Dramatíkin að fara með þá ... Mér fannst eiginlega best þegar ljóshærða fegurðardrottningin í Skagaliðinu var með á hreinu hvað eitthvað hérað í Indlandi hét. Hún horfði svellköld á Hafnfirðingana og sagði GÓA! Þau voru annars alveg frábær í hinu liðinu, gaman ef þau hefðu komist áfram líka. Bjarni Ármanns er einstaklega hress og skemmtilegur og ég er fegin að hann píndi mig til að taka Oliver Twist-flokkinn. Var aðeins of fljótfær í síðustu spurningunni þar.

Nú er víst "fárviðri" á Kjalarnesi og ég sit í Galtalindinni í Kópavogi, gisti hjá Hildu í nótt og Inga ætlar að skutla mér í fyrramálið á Skagann, eldsnemma. Útvarpsþátturinn hefst kl. 11 í Skrúðgarðinum og ég á eftir að finna tónlist og fleira, gera það sem ég hefði gert heima í kvöld ef ... Hviðurnar eru reyndar ekki nema 33 m/sek, næstum strætófært en Inga er þreytt og mér líst líka vel á fyrramálið.

Athugasemdir

[Jenný Anna Baldursdóttir, 30.11.2007 kl. 22:23]

Bloggaði að sjálfsögðu um frækna frammistöðu þína krúsulingurinn minn.  Þú varst mjög til fyrirmyndar.

[Þröstur Unnar, 30.11.2007 kl. 22:41]

Mér fannst eins og ég hefði verið þarna sjálfur. Var reyndar búinn að panta Harry Potter hjá Óla en í staðin koma bara einhver Óliver Snúningur.

Þið fallegu stæróskvísur hafið slegið í gegn, og Bjarni líka, pínu. (djók)

En til hamingju Gurrí. Liggur við að maður hætti sér í Skrúðgarðinn til að berja goðið augum.

[Bryndís Ísfold Hlöðversdóttir, 30.11.2007 kl. 22:52]

Til hamingju þú varst frábær - ég horfði náttúrlega á netinu -enda búin að lýsa yfir dauða sjónvarpsins :) en þú varst líka góð á netinu!

[Ingibjörg Gunnarsdóttir, 30.11.2007 kl. 23:38]

Þú varst flott í sjónvarpinu - og þið stóðuð ykkur vel. Oliver Twist var auðvitað snilldarval. Hlakka til að sjá úrslitin......

[Ásdís Sigurðardóttir, 30.11.2007 kl. 23:41]

Sá þig sæta mín. Vissi að þú mundir ekki klikka á Oliver.  Gaman að þið skylduð vinna. Þó bjó ég í Hafnarf. í tæp 20 ár, fannst þið bara einfaldlega betri. Til lukku og eigðu góðan helgi.

[Edda Agnarsdóttir, 30.11.2007 kl. 23:45]

Æ ég missti af ykkur en horfi á morgumn en við fylgdumst með gengið úr Brekkubæjarskóla og fengum sent sms  um niðurstöðuna! Til hamingju.

[Brynja Hjaltadóttir, 30.11.2007 kl. 23:54]

Hey þú ert bara nokkra metra í burtu frá mér. Bý nebblega í Geislalind..

[Einar (IP-tala skráð) 1.12.2007 kl. 00:09]

Til hamingju móðir góð, þá er bara að taka Ísfirðinganna í bakaríið næst :)

Vel gert!

 Mr. Einarsson

[Fjóla Æ., 1.12.2007 kl. 00:12]

Til hamingju með sigurinn fegurðardís. Fötin frá Nínu gerðu þig ómótsæðilega. Sá reyndar ekki á kreditlistanum að þú hefðir fengið fötin þar.

Mér finnst þú ættir að lauma því að Bjarna að skella sér í fótsnyrtingu og fá rautt lakk á táslurnar fyrir næsta þátt. Þá gæti hann kannski orðið næstum eins fallegur og þú.

Njóttu verunnar hjá Hildu.

[Linda B. (IP-tala skráð) 1.12.2007 kl. 00:17]

TIl hamingju með sigurinn

[Hólmgeir Karlsson, 1.12.2007 kl. 00:35]

Til hamingju með sigurinn. Þú tókst þig vel út í sjónvarpinu mínu  ...

[Þóra Sigurðardóttir, 1.12.2007 kl. 00:36]

Þetta var skemmtilegur þáttur í kvöld og þið voruð frábær bæði Akranes og Hafnarfjörður. Þátturinn var farin að verða alvarlegri og alvarlegri eftir því sem leið á. Eða.. þátttakendur voru farnir að taka þetta alvarlegar en efni stóðu til. Síðasti þáttur með Ísafirði og Reykjanesbæ er dæmi um það.

En upp með húmorinn ! Ykkur tókst það í kvöld 

[Anna Einarsdóttir, 1.12.2007 kl. 00:36]

Til hamingju og góðar kveðjur úr Borgarnesi. 

[Anna Ólafsdóttir Björnsson, 1.12.2007 kl. 00:44]

Til hamingju krúttið mitt!

[Brynja blogg.central.is/skordal_1 (IP-tala skráð) 1.12.2007 kl. 01:39]

Þú varst svaka flott í kvöld allgjör skvísa þið stóðuð ykkur frábærlega en gat samt ekki annað en brosað þegar ég sá hvaða andstæðingar mæta ykkur í næstu ferð En þið takið þetta bara með stæl ísafjörður hvað smá djókur bara já ætli ég kíki ekki á morgun í gott kaffi í skrúðgarðinn til að sjá liðið kannski verður bara biðröð og hleypt inn í hollum hver veit gangi þér vel heim í himnaríki í bítið og hafðu góða nótt

[Steini Briem (IP-tala skráð) 1.12.2007 kl. 02:03]

Til lukku! En ég held nú að rauðhærða galdrastelpan fyrir vestan muni vinna keppnina, enda þótt Bjarni sé með barni og líti út eins og Harry Potter!

[Sigþóra Gunnarsd (IP-tala skráð) 1.12.2007 kl. 08:03]

Glæsilegt hjá ykkur  Til hamingju með þáttinn þið voruð frábær og ég að springa úr Skagastolti að sjálfsögðu. Ég á sko eftir að segja þér dramaferðina heim í gær það var snilld ég dauðskammaðist mín fyrir óhemjuskapinn þegar ég var komin heim heilu og höldnu. Þú færð söguna þegar við hittumst næst

Gangi þér vel í útvarpinu FJÖLMIÐLADROTTINGIN MÍN

[Heiða B. Heiðars, 1.12.2007 kl. 10:23]

Til hamingju!!

Ég gólaði með vélstýrunni á imbann!!! Ég skil ekkert í því af hverju þú svaraðir mér ekki... ég gólaði amk nógu hátt til að það ætti að heyrast alla leið... upp á skaga meira að segja!!

Fékkstu brennivín og sæta kalla inn um lúguna frá mér?

[SigrúnSveitó, 1.12.2007 kl. 10:49]

gaman að sjá þig í sjónvarpinu. Mætti halda að þú byggir 1000 mílur í burtu...rekst bara aldrei á þig!

Kærleikur...

[www.zordis.com, 1.12.2007 kl. 11:01]

Sigurvegari!  Til hamingju, á svona stundu væri gaman að geta fylgst með!  Best að hössla netið og gá hvort ég sé með töfranettengingu í morgunsárið .... Er svo ekki þátturinn á skaganum í dag?  Gangi þér vel!

[Kristín Katla Árnadóttir, 1.12.2007 kl. 11:52]

Til hamingju með sigurinn Gurrí mín það var gaman að sjá þig knús

[Gunna-Polly, 1.12.2007 kl. 12:15]

Stóðuð ykkur eins og hetjur og þú varst svo flott í nýja dressinu . spurning að skreppa á skagann að versla jóladressið

[Hildigunnur Rúnarsdóttir, 1.12.2007 kl. 12:15]

Til hamingju, snilld, gláptum á netinu eftir tónleika :)

[Guðni Gíslason, 1.12.2007 kl. 15:29]

Takk Guðríður fyrir skemmtilega og hressilega keppni og ekki við öðru að búast þegar þessi skemmtilegu bæjarfélög mætast. Ekki gleyma að á áttunda áratugnum voru til Skagabrandarar sem stóðu jafnfætis Hafnarfjarðarbröndurunum þegar þessir brandarar voru sendir á milli skáta á úr Skf. Akraness og Hraunbúa. Þið fenguð svo alla landsmenn til liðs við okkur og við vorum bara grobbin af frægðinni.  Þessi þáttur færir okkur þó ekki frægð - hefði þó gert það ef við hefðum verið afspyrnuléleg en við erum bara stolt, þrátt fyrir að vera hundfúl yfir að hafa ekki unnið - bara eitt rétt svar af þremur í lokum hefði dugað. Kveðjur á Skagann.

[Guðríður Hrefna Haraldsdóttir, 1.12.2007 kl. 15:37]

Hæ, Gísli og takk fyrir síðast!!! Mikið voruð þið skemmtileg, alveg synd að þessi örfáu stig náðust ekki. Skammast mín fyrir að vera búin að gleyma svona öllu um sem ég lærði í skóla um endur ... kenni bara árafjöldanum síðan um það ...

Held að þið hljótið að hafa vinninginn sem SKEMMTILEGASTA sveitarfélagið.  

[Hildigunnur Rúnarsdóttir, 1.12.2007 kl. 16:51]

Habbnfyrðingar eru náttúrlega eiturskemmtilegt lið, það er bókað :)

[Hulda (IP-tala skráð) 1.12.2007 kl. 18:20]

laugardagskvöld og ég er núna fyrst að muna hvað ég ætlaði að taka upp í gær... ansans!

[Númi (IP-tala skráð) 1.12.2007 kl. 22:06]

Allt gott og blessað,hamingju með sigur,en ansi fengu liðin fá stig.Undiritaður Númi er alveg hissa á því hvernig þið gátuð giskað á spurninguna um sóp á laufblöðum.Þú komst vel út á skjánum,og ef Númi væri laufblað mundi hann alveg vilja fjúka í fangið á þér,en helst ekki ef það eru 33,metrar á sekúndu.

[Sigríður Jósefsdóttir, 1.12.2007 kl. 22:37]

Til hamingju með sigurinn Gurrí mín, þú hefðir átt að heyra vonbrigðargólið sem ég rak upp þegar ég sá hverjum þið drógust á móti í aðra umferð.  (Lofa að mæta í sjónvarpssal).  Hefði samt viljað sjá þig taka sýsla frænda í bakaríið.......

[Guðríður Hrefna Haraldsdóttir, 1.12.2007 kl. 22:59]

Já, Númi, það hefði verið gaman að fá fleiri stig, vonandi næst!

Ætla að leyfa mér að vona að Ísfirðingar séu orðnir svo sigurvissir að þeir slaki aðeins á ... múahahhahah

Hulda, þú getur séð þetta á Netinu, á www.ruv.is.  

[Ragnhildur Sverrisdóttir, 3.12.2007 kl. 10:03]

Hefði kommenterað á þetta fyrr, en ég er búin að vera í æfingabúðum með Ísafjarðarliðinu uppi á Hveravöllum sl. þrjár vikur, svo þetta fór framhjá mér þar til núna.

Ísfirðingar vita að það má ekki slaka á, Skagamenn eru alræmdir fyrir að bruna fram og stela sigri.

Sjáumst í sjónvarpslandi.