Merkir jafnaldrar og geimskip yfir Reykjavík?

8.12.2007 | 17:49

Merkir jafnaldrar og geimskip yfir Reykjavík?

Ég á nokkra mjög merkilega jafnaldra eins og Madonnu, Michael Jacson, Valdísi Gunnarsdóttur og Björn Thoroddsen. Svo var ég að fatta að enginn annar en Osama bin Laden er jafngamall mér. Ekki er rangt að álykta að hann liti jafnunglega út og við hin ef hann rakaði af sér þetta karlalega skegg.

Stórt, ljósum prýtt geimskip vomir yfir Reykjavík í þessum skrifuðum orðum. Erfðaprinsinn dirfðist að reyna að halda því fram að þetta væri skíðasvæði Reykvíkinga! Skíðasvæði halla sér ekki svona ógnandi yfir borgir. Ég nötra af hræðslu hérna í himnaríki og er að hugsa um að detta ofan í Harry Potter og gleyma mér í leisígörl með teppi yfir mér. Kannski eins gott að ég fór ekki í jólahlaðborðið með vinnufélögum nú í kvöld.

Meginflokkur: Bloggar | Aukaflokkar: Bækur, Lífstíll, Vinir og fjölskylda | Breytt s.d. kl. 18:44 | Facebook

Athugasemdir

Sko, eitt er nú alveg á hreinu Osama lýgur til um aldur og svo með geimskipið, þetta er ofurjóli að kíkja á litlu óþekku börnin.

Ásdís Sigurðardóttir, 8.12.2007 kl. 20:08

Hann lítur nú út fyrir að vera 20 árum eldri en bæði þú og Valdís. Djö.. sem það hlýtur að taka á að standa í hryðjuverkastjórnun.

Jenný Anna Baldursdóttir, 8.12.2007 kl. 21:30

Já best að láta allt terror eiga sig bara, nóg berst maður við hrukkurnar án þess. Geimskipið er flott !

Ragnheiður , 8.12.2007 kl. 22:14

Hahahha, einmitt, stelpur, sammála!

Guðríður Haraldsdóttir, 8.12.2007 kl. 22:30

Hvaða Valdís Gunnarsdóttir er þetta? ég man bara eftir einni og það réttsvo. Sú var í útvarpi einhverntíma, lagðist svo í að safna hrukkum og virtist síðast þegar sást til hennar ákaflega illa haldin af bjúg. En hún er ekki jafnaldri þinni, sú er miklu eldri, hún var fædd áður en Valentínusardagurinn var fundinn upp, gott ef hún eignaði sér hann ekki. Af myndum að dæma er sú um sjötugt núna allavega. Hver er þín Valdís?

Breiðholtshatarinn (IP-tala skráð) 9.12.2007 kl. 21:45