Kalsár eða viðbjóðshiti ...

Gummi strætóbílstjóri er kominn úr sólarlandafríinu og virtist ánægður með það (sjá mynd). Hver vill ekki frekar upplifa fimm tegundir kalsára á einum morgni í stað þess að vera í einhverjum viðbjóðshita við sundlaug allan daginn? Hann ók okkur í bæinn í allt of sterku sólskini sem hann tók greinilega með sér frá útlandinu. Það var erfitt að dorma á leiðinni fyrir birtudruslunni en svo datt mér í hug að setja á mig hettuna og þá leit ég út eins og böðull en sólin brenndi ekki lengur augnbotnana. Ég böðlaðist sem sagt með strætó í morgun.

Þegar við komum út úr leið 18 við Hálsaskóg sá ég að röð hafði myndast fyrir aftan íþróttaþýðandann minn, við vorum orðin þrjú sem vildum komast með honum inn í húsið að neðanverðu. Nú VERÐUM við að fara að fá kort til að komast inn. Hvað ef þýðandinn fær flensu?

Þetta verður klikkaður dagur og margt að klára fyrir prentsmiðjuskil á morgun. Óska því ekki bara YKKUR góðs dags, heldur líka sjálfri mér, ekki veitir af. Vera svo dugleg, Gurrí mín ... og auðvitað þið hin líka!

Athugasemdir

[Jenný Anna Baldursdóttir, 10.4.2008 kl. 09:51]

Stuðkveðjur í vinnuna.

[Brynja skordal, 10.4.2008 kl. 11:08]

Sólarkveðjur frá skaganum

[Helga Magnúsdóttir, 10.4.2008 kl. 11:09]

Ertu ekki alltaf duglegust af öllum í vinnunni? Er á það bætandi að fara að senda þér einhverja hvatningu?

[Heimir Lárusson Fjeldsted, 10.4.2008 kl. 11:34]

Kaffikveðjur og eflaust Kjötborgar líka.

[Linda Linnet Hilmarsdóttir, 10.4.2008 kl. 14:27]

Innlitskvitt og kveðjur

[Birna Dis Vilbertsdóttir (IP-tala skráð) 10.4.2008 kl. 14:52]

Góðan dag og heimferð

[Tiger, 10.4.2008 kl. 16:00]

  Greinilega frábær bílstjóri þarna á ferðinni á myndinni, enda bílstórinn þinn - þannig séð! Eigðu líka ljúfan og góðan dag Gurrí mín og gangi þér allt í haginn...