Viðburðadagar á Skaganum

26.4.2008 | 12:20

Hátíðin á Safnasvæðinu í dag heitir Viðburðadagar. Kvennakór Akraness verður með flóamarkað inni í Steinasafninu og ýmislegt fleira verður skemmtilegt í gangi þarna, eins og spákonurnar ódýru. Ég kíkti á skessuhorn.is og akranes.is til að fá dagskrána en harla lítið var á því að græða. Innan skamms, eftir snilldarlaugardagsbað verður rokið á staðinn með erfðaprinsinn í eftirdragi. Mía systir er því miður lasin og kemst ekki, eins og hún var búin að hlakka til, en hún er í Kvennakórnum guðdómlega.

Ég fór einu sinni í opinbera heimsókn á Steinasafnið ásamt ljósmyndara. Safnstjórinn sagði mér frá mörgu athyglisverðu, m.a. því að eldri maður kæmi reglulega í safnið, ekki bara til að skoða steinana, heldur sagði hann að návistin við þá hefði svo fjári góð áhrif á meltinguna. Hálftímastopp ... og allt færi af stað ... hehehehe. Hann var ekki að tala um sveskjuböku kaffihússins á staðnum.

Sýnist vera ágætis gluggaveður í dag sem þýðir að annað hvort fer maður vel klæddur út eða tekur með sér glugga til hlífðar. Jamm.

Meginflokkur: Bloggar | Aukaflokkur: Menning og listir | Facebook

Athugasemdir

Það er svo fallegt veðrið en svo ógeðslega kalt að ég hélt ég myndi deyja.

Haldið ykkur inni, horfið út um gluggann og borðið góðan mat.

Jenný Anna Baldursdóttir, 26.4.2008 kl. 12:31

Úff.. í þessu veðri Gurrí ?? Það er svo mikið rok, allavega hér á Vesturgötunni.

Góða skemtun.

Skagakona (IP-tala skráð) 26.4.2008 kl. 12:54

Ja, ég ætla í bíl erfðaprinsins með einkabílstjóra og alles, fer í pelsinum mínum, með loðhúfuna, lambhúshettuna, vettlinga og verð í ullarsokkum í bomsunum, takk fyrir viðvörunina.

Guðríður Hrefna Haraldsdóttir, 26.4.2008 kl. 13:14

Já, um að gera að klæða sig vel og fara út til að njóta góða veðursins. Ég hef komið oft á safnið þarna að Görðum, enda er móðir mín ættuð þarna rétt við kirkjugarðinn og margir mínir kæru ástvinir hvíla þarna lúin bein. Knús á þig kæra Gurrí og eigðu yndislega helgi!