Einmana í vinnunni ... hinir stytta líf sitt og glápa á leikinn

Sit hér næstum alein og einmana við skrifborðið mitt. Af og til heyrast klikkuð öskur úr næsta sal þar sem útsendingu frá handboltaleiknum er varpað á hvítan vegg. Ég heyri oftar öskrin JÁÁÁÁÁÁÁÁÁÁ en hitt og þá hlýtur allt að vera í lagi. Ég er búin að fatta að ég forðast álag og held að það sé ein af ástæðunum fyrir því að ég hef náð svona háum aldri. Nenni ekki panik-kasti núna, ekki á föstudegi, mesta annadeginum okkar á Vikunni.

Strætóferðin í morgun var hreint yndisleg og ekki var verra að hitta skólastrákinn minn við lendingu í Mosó og fá far með honum upp í Hálsaskóg. Hann er í Tækniháskólanum og bjargaði stundum lífi mínu og limum í gamla daga (2006) þegar við vorum samferða úr strætó í Höfðabakka 9, þegar vinnan mín var þar. Hann bar mig yfir heilu krókódílasíkin á leiðinni, tékkaði jarðsprengjur, ruddi bjarnargildrum úr veginum og svo ótal margt fleira í þessum ævintýraferðum.

Vona að dagurinn ykkar verði æðislegur og að við vinnum leikinn!

Athugasemdir

[Anna Ólafsdóttir Björnsson, 22.8.2008 kl. 13:28]

Þetta er rosalegur leikur, en ég gæti ekki undir nokkrum kringumstæðum haldið mér í einu sæti og horft. Nógu stressandi að hlusta á útvarpið.

[Hulda (IP-tala skráð) 22.8.2008 kl. 13:43]

svipað hérna... öskur og læti

[Jenný Anna Baldursdóttir, 22.8.2008 kl. 14:37]

Við unnum, úje.

[Guðríður Haraldsdóttir, 22.8.2008 kl. 15:05]

Ég gat horft á síðustu mínúturnar ... með herkjum. Þvílík gleði og hamingja!

[Guðrún Ágústa Einarsdóttir, 22.8.2008 kl. 15:17]

MAGNAÐUR leikur...maður er bara í vímu..og verð það í dag..kannski fram að sunnudag sem endar jafnvel með alsælu þegar við hreppum GULLIÐ..hehehe... kv Gunna.

[Jóhanna Sigrún Jónsdóttir, 22.8.2008 kl. 15:34]

ALSÆLA

ÁFRAM ÍSLAND

[Brynja skordal, 22.8.2008 kl. 15:58]

Lífið er yndislegt skellti læri í ofnin í tilefni sigurs slurp hlakka til að borða

[Guðrún Jóhannesdóttir, 22.8.2008 kl. 18:03]

góður í markinum strákurinn, á ættir að rekja norður

[www.zordis.com, 22.8.2008 kl. 18:06]

Ég kíkti á kaffitár í bankastræti og naut sopans .... heyrði síðustu mínúturnar sem truflaði algjörlega einbeitinguna á kaffibollaspjallinu!!!

Svo er að taka næsta leik og þá erum við í höfn!

[Ibba Sig. (IP-tala skráð) 22.8.2008 kl. 20:14]

Rofl, agalegt fyrir þig að vera kominn á þennan aldur! Meira að segja fólkið á Grund gat horft á leikinn.

[Ben.Ax. (Benedikt Jóhannes Axelsson), 22.8.2008 kl. 20:23]

Hvernig væri að tala um stund um strandblak kvenna?

[Guðríður Haraldsdóttir, 22.8.2008 kl. 20:23]

Hehhehe, hef aldrei lagt almennilega í handboltann, of spennandi og taugatrekkjandi. Fótboltinn er aftur á móti "rétt" spennandi, það líða mínútur en ekki sekúndur á milli marktækifæra ... tengist ekki aldri, ófétin ykkar!

[Ben.Ax. (Benedikt Jóhannes Axelsson), 22.8.2008 kl. 20:38]

20:23  Er þetta tilviljun?

[Ásdís Sigurðardóttir, 22.8.2008 kl. 23:29]

ÉG stressast svo upp að þessar mínútur í leiknum verða að mörgum klukkutímum hjá mér. Á meðan leikurinn var í morgun, kláraði ég lit í rót og þvott, fór til sýsla með tannlæknareikn, í apótekið að ná í lyf, keypti tilbúinn mat í Nóatúni, keyrði heim og fékk mér kaffi og horfði á heillangar 20 mín í seinni hálfleik, ekki sitjandi heldur hoppandi og æðandi um eins og ljón í búri, held ég taki svefntöflu kl. 6 aðra nótt og láti svo kallinn vekja mig ÞEGAR við erum búin að vinna.  sjúkket er ekki að meika þetta.

[Guðríður Haraldsdóttir, 22.8.2008 kl. 23:59]

Þetta er frábær tilviljun, Benedikt!!!

Ásdís, ég ætla sko að vakna á sunnudagsmorguninn, ég sleppi þessum leik ekki. Svo hlýt ég að geta reddað mér nokkrum valíum til að fríka ekki út!!!