Skagatúr á laugardaginn?

Ég talaði við Maríu hjá Skrúðgarðinum, nýja og flotta kaffihúsinu á Skaganum, og hún verður með opið frá 10-10 á laugardaginn. Ég sagði henni að hún mætti líklega búast við  2-10 manns á kaffihúsið, en hér væri um sérlega gáfulegt og glæst fólk af Moggablogginu að ræða.

Hún sagði það heiður að taka vel á móti okkur. Kaffið er ljómandi gott og ferskt og kemur frá Te og kaffi. Kökurnar eru alltaf nýbakaðar og eru alveg svakalega góðar. Ég hef smakkað tvær tegundir; súkkulaðidjöflatertuna (sem er sjúkleg) og fína tertu með perufrómasi, hún var æði. Svo er auðvitað brauðmeti til líka og gulrótarkaka, sérbökuð fyrir hollustusælkera.

 

Þeir sem vilja vera „á rassgatinu“ um miðjan dag geta fengið sér bjór en fyrir hina eru ýmsar tegundir af kaffi og kaffidrykkjum. Hægt er að skreppa út í sjálfan skrúðgarðinn og fá sér sígó fyrir þá sem vilja.

Ja, við Guðmundur ætlum að mæta, hvað með þig, englakrúsídúllan mín? Þetta gæti orðið besti dagur lífs þíns ... alla vega einn þeirra!

Eina umræðuefnið sem ekki verður leyft er um fiskeldi í Téténíu!

Þeir sem ekki mæta þurfa mögulega að afplána myndasýningu af kaffihússferðinni á bloggum okkar Guðmundar og vonandi fleiri aðila. Múahahhaha!

 

Er ekki snjallt að hafa þetta upp úr hádegi? Þeir sem koma með strætó ná honum kl. 12.30 frá Háholti í Mosfellsbæ (á milli Bónus og KFC) og næsta ferð verður ekki fyrr en 16.30 og þá er nú bara komið kvöld!

Strætóferðir til baka á laugardaginn eru kl. 15.27, 17.27, 19.27 og 21.27. Þ.e.a.s. ef þú tímir að fara.

Ég myndi taka á móti þeim sem koma með strætó, mæta í Skútuna, endastöðina, og labba niður í bæ með liðið. C.a. 10 mínútna ganga en kannski verður strætó farinn að ganga alla leið í kaffihúsið, það fer að líða að því.  

Athugasemdir

[Kleópatra Mjöll Guðmundsdóttir (IP-tala skráð) 22.2.2007 kl. 17:26]

ég kemst vonandi ... um að gera að sem flestir drífi sig ... ekki langt að fara og svo er bara svo gaman að hitta nýtt fólk...

[Pétur Þór Jónsson, 22.2.2007 kl. 17:52]

Ágæta vinkona, núna ert þú farin, óopinbert, að verða ferðamálafulltrúi heimabæjarins, annars lýst mér vel á kökuborðið sem þú talar um.

[Guðríður Haraldsdóttir, 22.2.2007 kl. 18:03]

Og þú ert velkominn, enda bloggvinur góður!

[Guðríður Haraldsdóttir, 22.2.2007 kl. 18:03]

Heheheh, ég var að svara Pétri, Guðmundur minn!

[Guðný Anna Arnþórsdóttir, 22.2.2007 kl. 21:23]

Sjá komment mitt undir "er Britney að missa allt" hér neðar á síðunni!! Gurrí, þú ert að slá öll met, ég vissiða, ég vissiða, þessi þjóð er ekki alveg smekklaus, eins og ég hef reyndar nýverið bent á (vegna Eiríks rauða).

[Guðríður Haraldsdóttir, 22.2.2007 kl. 21:34]

Það er greinilega vinsælt að blogga um stjórnmál hér á síðunni ... og líka fréttir. Í andleysi mínu undanfarið hef ég fengið hugmyndir að bloggum þegar ég les fréttirnar ... og það hefur mikil snjóboltaáhrif. Minnir mig á að þegar ég fékk aukavinnu einu sinni sem útvarpsstjarna og hafði þá efni á að kaupa mér plötur ... en þá fékk ég þær gefins!

[Hildigunnur Rúnarsdóttir, 22.2.2007 kl. 22:08]

dæmigert fyrir sjálfhverfu Moggabloggara. Aðrir náttúrlega mega ekkert vera með... ;-)

[Guðríður Haraldsdóttir, 22.2.2007 kl. 22:15]

Vonandi kemst þú á Skagann á laugardaginn Þótt þú bloggir meira annars staðar þá skiptir það engu, þú ert bloggvinur! C´mon!!!

[Guðrún Eggertsdóttir, 22.2.2007 kl. 22:54]

Jæja, ég afplána þá bara að lesa um fyrstu bloggvinasamkomu Íslands - á blogginu.   Þetta verður náttúrulega sögulegur viðburður.  Er einhver til í að taka það að sér að fá sér gulrótarköku og hugsa hlýlega til mín á meðan hann/hún nýtur góðgætisins?

[Guðríður Haraldsdóttir, 22.2.2007 kl. 22:58]

Pottþétt!!! Það er verið að búa til sérstaka hollustuuppskrift sem er samt svo sæt og góð bara fyrir ykkur Katrínu!!!

[Gerða Kristjáns, 23.2.2007 kl. 18:19]

ohhh hvað ég væri til í að koma, en illómögulegt, er fyrir norðan með flensu   Vil fá ýtarlega fundargerð

[Einar Ben, 23.2.2007 kl. 18:36]

Guðríður mín kæra, hvað með innfædda maka bloggvina? er svoleiðis skrýll velkominn.....???

Kv. af skaga

ps. 3 sölum undir himnaríki....

[Ólafur fannberg, 23.2.2007 kl. 22:43]

verð að vinna á morgun allúrat á þessum tima svo ég verð að passa.....

[Guðríður Haraldsdóttir, 23.2.2007 kl. 22:59]

Sammála, Guðmundur!!! Þetta verður bloggarafundur!!!

Kannski koma Simmi og Denni á Skagann, risastóru Moggablogggggararnir ... ég bý reyndar í sama stigagangi og amma hans Simma! Hann gæti slegið nokkrar flugur í einu höggi!