Álaganafnið 14-2 og Mengella um Lúkas

28.6.2007 | 23:10

Álaganafnið 14-2 og Mengella um Lúkas

Held að nafnið á íþróttaþættinum 14-2 á RÚV, hafi valdið því að landsliði karla í knattspyrnu gengur svona illa. Sífellt er minnt á gamlan og súran ósigur okkar manna. Horfði á þáttinn áðan og fannst hann bara svo skemmtilegur. Skil ekki hvernig hægt var að rústa FH svona svakalega um daginn! Völvan okkar á Vikunni vill nú meina að FH haldi ekki titlinum í ár. Plís, höfum það ÍA!

Svo er ég enn í miklum vafa hvort ég eigi að kaupa Sýn 2 ... ég fæ hana á lægsta verðinu. Enski boltinn er svo skemmtilegur en ef ég horfi á hann óttast ég að ég fái bringuhár, fari að ganga í netabol og sitji ropandi við sjónvarpið með bjórdollu í annarri og snakk í hinni. Djók! Svona er fótboltaáhugamönnum lýst, staðalímyndir drepa mig ... Er sárust yfir því að hafa misst af Enska boltanum í svona mörg ár af því að ég hélt að ég ætti að ryksuga beisk í bragði fyrir framan sjónvarpið á meðan maðurinn minn horfði á boltann í netabolnum. Svo skildum við og um 20 ár liðu í limbói eða þar til ég datt í boltann. Það er eiginlega allt Kolbrúnu Bergþórsdóttur að þakka. Við unnum saman á meðan ein heimsmeistarakeppnin stóð yfir og ég horfði á hana HLAUPA úr vinnunni til að horfa á leiki. Svona er smitandi!

Ungi maðurinn sem drap hundinn Lúkas hefur fengið fjölda líflátshótana á bloggsíðu sína sem hann hefur nú lokað. Eitt er að lýsa yfir andstyggð sinni, annað er að fara niður á sama plan. Kíkið:
http://mengella.blogspot.com/2007/06/hefjum-kvslar-loft.html

Meginflokkur: Bloggar | Aukaflokkar: Enski boltinn, Íþróttir, Lífstíll, Sjónvarp, Vefurinn | Facebook

Athugasemdir

Þetta með strákana og hundinn er bara svo viðbjóðslegt að mann setur hljóðan. Á hverju eru þessir ræflar eiginlega?

Vilborg Valgarðsdóttir, 28.6.2007 kl. 23:19

Það er samt ekkert réttlætanlegt að hóta manndrápi!

Hvað er í gangi?

Eva Þorsteinsdóttir, 28.6.2007 kl. 23:24

... enski boltinn er náttúrulega bara list... en það er mikið framboð og maður verður að velja leikina... nú horfi ég nánast bara á þegar mitt lið spilar... það vill svo til að þeir eru ansi góðir og skemmtilegir og rauðir og enduðu í 1.sætinu nú í vor....

Brattur, 28.6.2007 kl. 23:30

Sammála Eva. Þetta heitir að missa sig og er farið út í bull! Já, Vilborg, þetta var viðbjóðslegur verknaður.

Guðríður Haraldsdóttir, 28.6.2007 kl. 23:30

Ég fer bara á fótboltabari ef ég tími þessu ekki, Brattur, og veina bara þangað til ég fæ gott kaffi.

Guðríður Haraldsdóttir, 28.6.2007 kl. 23:32

Þetta mál allt gerir mig orðlausa og miður mín.

Jenný Anna Baldursdóttir, 28.6.2007 kl. 23:37

... Kaffi! Vissirðu að ég æsist allur upp þegar ég heyri þetta orð, kaffi... var ég ekki búinn að taka kaffiræðuna á þér hmm?, best að geyma það til síðari tíma... en ég er mikill baráttumaður gegn kaffidrykkju, hef reyndar bara barist fyrir sjálfan mig... en er að hugsa um að fara að hjálpa öðrum á næstu vikum... nú drekk ég bara TE og er allur orðinn svo skýr í hausnum... taugakerfið og maginn í fullkomnu jafnvægi... en fyrirgefðu, þetta átti ekki að verða svona langt... ég bara gleymi mér þegar ég heyri þetta orð "kaffi"...

Brattur, 28.6.2007 kl. 23:44

ég er vanalega alls ekki sammála þeim sem hneykslast á einhverri orðræðu en allar hótanir eru einum of, það er nú bara einfalt ég hef upplifað að missa lítið dýr í svona geðsýki, og ég var reiðari en ég get lýst, en mér hefði ekki liðið betur hefðu árásarmennirnir verið drepnir eða barðir. Ég er viss um að eigendum Lúkasar líður eins. Þetta er bara svo sorglegt, maður biður fyrir því að árásarmennirnir/morðingjarnir iðrist og fái skilning á því hvað þeir eru hætturlegir og sálrænt skaddaðir. En það eru kannski bara draumórar....

halkatla, 28.6.2007 kl. 23:50

ok rosalega er ég ánægð með þessa grein hjá mengellu.... en ekki get ég samþykkt það að þessi hundur sé ekki sætur, hann var greinilega heví krútt. og það er vissulega stórhættuleg múgæsing farin í gang.

ég veit að ég hef "hótað" ákveðnum hópum in the past, en aldrei með ofbeldi. Það er mér jafn óskiljanlegt einsog að að framkvæma það - nema í gríni

halkatla, 28.6.2007 kl. 23:56

Brattur, slappaðu af! Við Gurrí erum nefnilega ásamt fleira eðalbornu fólki í hinu EINA OG SANNA KAFFIBANDALAGI, elskum þann drykk og dáum og sullum ekki í bjór með bolta!

SVei mér fröken Gurrí, ef Gaui og "Barnaliðið" blandar sér ekki í Íslandsmeistaraslaginn! Hann er kraftaverkamaður, það hef ég lengi sagt! En held mest upp á Teit núna, á aðdáun mína alla, hefur staðið sig sem sannur foringi í orrahríðinni og staðið keikur þrátt fyrir KR-krísuna! Og hver veit hvað gerist eftir sigurinn í kvöld!?

En þetta hundadrápsmál hérna og ósköpin sem fylgt hafa í kjölfarið, er bara enn eitt litla dæmið af ótalmörgum hvernig okkar litla land er að verða jafn "Hysteriskt" og stærri samfélögin í kringum okkur, er dálítið hræddur um það!

Verður annars nokkuð dýrara að skipta Sýn út fyrir Sýn 2?

Magnús Geir Guðmundsson, 29.6.2007 kl. 00:02

Mengalla setur hlutina alltaf í annað samhengi. Fín grein hjá henni (honum) og sem hundaeigandi get ég að vissu leiti tekið undir margt þar.

Egill Harðar (IP-tala skráð) 29.6.2007 kl. 00:03

Ég er kannski eitthvað dómhörð í þessum efnum en mér finnst þessi hópur sem er einhvers staðar þarna úti og bregst við nánast öllu sem því mislíkar með hótunum um ofbeldi og tilraunum til kúgunar hreinlega vera með illa brenglaða siðferðiskennd!!! Þessi hópur birtist reglulega á bloggsíðum og spjallþráðum og það þarf ekki meira til en að einhver hafi ekki réttar skoðanir þá fer þessi óhugnaður í gang. Það er eitthvað MIKIÐ að hjá þeim sem geta fengið það af sér að kvelja dýr til dauða - en það er ekki síður eitthvað alvarlegt að hjá liðinu sem bregst svona við eins og þeir sem Mengella vísar í. ÚFF!

Anna Ólafsdóttir (anno) (IP-tala skráð) 29.6.2007 kl. 00:30

Ég held með Liverpool en ætla samt að bjóða þér að koma að horfa á enskaboltann ef þú átt einhvern tíma leið hjá Akureyri ... jújú, ég býð upp á kaffi líka! En kannski bjórinn sé betri og við getum ropað saman í sófanum, og Veiga furðar sig á því hvaða skrýtna fólk þetta sé ...

Doddi - Þorsteinn G. Jónsson (IP-tala skráð) 29.6.2007 kl. 00:32

þetta lið sem er með hótanir set ég á sama stað og fóboltabullur. fótboltabullur hafa engan áhuga á fótbolta. Þær bara nota hann sem afsökun fyrir því að berja mann og annan. Það sama er í gangi hér varðandi voffann. Þetta eru ekki dýravinir sem skrifa þessar hótanir heldur bara einhverjir siðferðislega heftir hálvitar sem nota hvað tækifæri sem er til að níðast á fólki. Í rauninni nákvæmlega sama manngerð og sá sem drap litla dýrið.

Jóna Á. Gísladóttir, 29.6.2007 kl. 02:03