Opinberanir og staðfestingar ...

Einhvern veginn vissi ég að þetta yrði frábær dagur þegar ég varð númer 007 í gjaldkeraröðinni í bankanum. Gemsinn minn hringdi að vanda þar sem ég lá á bekknum hjá Betu, eitthvert lögmál, held ég. Tommi bílstjóri var í Skrúðgarðinum og upplýsti mig um dularfulla manninn sem ég hitti þar á laugardaginn, þennan sem fór óvart inn í bílinn hjá Míu. Hann heitir Doddi (Þórður).

Hitti annan mann í Skrúðgarðinum sem staðfesti við mig að lið Skagamanna í spurningakeppninni á RÚV á föstudagskvöldum í vetur verði ekki bara valið eftir fegurð, heldur líka greind. Skagaliðið mætir ekki fyrr en í lok október þannig að nægur tími gefst til lýtaaðgerða ... eða gæfist ef á þyrfti að halda sem er ekki.  

Tommi lokaði strætódyrunum fyrir mig rétt áður en geitungur flaug inn og sagðist hafa bjargað einum slíkum úr kjafti fósturkattar síns á laugardaginn. Ástæðan, jú, geitungurinn er í félagslitunum!

Athugasemdir

[Kristín Katla Árnadóttir, 11.9.2007 kl. 12:38]

Ég er dauðhrædd við geitúnga  það réðist ein á mig og stakk mig.

[Jenný Anna Baldursdóttir, 11.9.2007 kl. 13:02]

Júarsóbjútífúl!

[Guðríður Haraldsdóttir, 11.9.2007 kl. 13:36]

Sjónvarp bætir nú alltaf 50 kílóum á fólk.

[Ásdís Sigurðardóttir, 11.9.2007 kl. 13:40]

Geitungur í félagslitunum  !!! frábært. Eigðu frábæran dag.

[Jóna Á. Gísladóttir, 11.9.2007 kl. 17:26]

Svakalega er Tommi heilaþveginn.

Gurrí mín, var að senda á þig mail. Vona að þú getir fundir tíma á milli CSI og Boldsins til að kíkja á það.

[Guðríður Haraldsdóttir, 11.9.2007 kl. 17:33]

Búin að fá það og svara með tveimur. Stefanía var að enda við að blaðra því í Nick að hann eigi barnið með Feliciu ... Eric og Brooke að plana svikin við Stefaníu ... hvað næst? 

[Jóna Á. Gísladóttir, 11.9.2007 kl. 17:47]

Almáttugur. Hélt eitt andartak að þú værir að tala um minn Nick. hjúkkitt

[Elín Arnar, 11.9.2007 kl. 18:41]

Áfram Valur! Eða KR eða eitthvað... TIl hamingju með frábæran dag. Söknuðum þín í vinnunni :)

[Rebbý, 11.9.2007 kl. 18:44]

held enn áfram að mæla með því að þú takir granna í gegn hérna þar sem ég missi alltaf af þeim og nú er bara komið fullt af fólki sem ég nenni ekki að læra hver eru

[Þröstur Unnar, 11.9.2007 kl. 18:53]

Gulir, grannir og glaðir. Elín A þú getur betur en þetta, það er skylda yfirmanns að sýna undirmanni sínum andlegan stuðning á einka-bloggsíðu sinni.

[Guðríður Haraldsdóttir, 11.9.2007 kl. 19:01]

Hahhaha, Þröstur, það skortir sko engan stuðnig frá Elínu!

Góð hugmynd, Rebbý, skelli inn færslu um framtíð Boldsins nokkra mánuði fram í tímann og skrifa um granna. Það er mun skynsamlegri þáttur og ekki jafnmikið um að mæðgur samnýti menn ... eða þannig.  Sæt fluga, Guðmundur, minnir óneitanlega á mína menn

[Glúmur Gylfason (IP-tala skráð) 11.9.2007 kl. 20:08]

Flottastur á myndinni er aftasti strákurinn - enda er hann í Interbúningi!

[Guðríður Haraldsdóttir, 11.9.2007 kl. 20:13]

[Magga (IP-tala skráð) 11.9.2007 kl. 23:26]

Næst þegar þú leggst á bekkinn hjá Betu skaltu nota takka á símanum þínum sem er til að slökkva........ og þá verður engin truflun

[Halla Rut , 12.9.2007 kl. 01:48]

Þessi mynd hjá þér er falleg og lætur mann brosa. Litlu krúttin.