Af stól-hermdarverkum og þykkri þoku hinna glamrandi hlekkja

„Heyrir þú glamrið í hlekkjunum,“ spurði ég Ástu þegar við ókum inn í þykka þokuna í Reykjavík í morgun. Svipbrigði mín sýndu óbærilega spennu, verst að Ásta var með augun á umferðinni „Ha, hvað meinar þú?“ sagði Ásta. Í ljós kom að ég hafði kastað perlum fyrir svín, eins og stundum áður. Ásta sá nefnilega aldrei myndina The Fog, um framliðna sjóræningja sem birtust í þokunni og murkuðu lífið úr þeim bæjarbúum sem höfðu ekki vit á því að fela sig. Það glamraði alltaf heimilislega í hlekkjum og vopnum sem þeir báru, minnir mig. Það voru hvorki draugar né forynjur í þykku þokunni kl. 7.35 í morgun, ekki einu sinni Sigþóra á leið upp Súkkulaðibrekkuna, enda var hún auðvitað löngu komin í vinnuna.

Er búin að komast að því hvers vegna stóllinn minn í vinnunni er oft í klessu þegar ég mæti á morgnana ... Símasölumaður andskotans skellir honum nefnilega í fáránlega stöðu á kvöldin, stólbakið hallandi aftur á bak og hæðin ... maður sest næstum á gólfið, hann er svo lágur.

Ég vil hafa stólinn minn í hæstu mögulegri stöðu til að gnæfa yfir dauðlegt samstarfsfólkið. Þannig glamrar líka mun minna í hlekkjunum.

Athugasemdir

[Jóna Á. Gísladóttir, 19.11.2007 kl. 10:49]

Ég gæti trúað að þessi símasölumaður andskotans sofi í vinnunni. Hallar sér bara á meðan hann á að vera að hringja út um allan bæ og ónáða fólk.

Hvað finnst Ástu um svína-nafngiftina? hehe

Ég hlýt að hafa verið orðin ansi syfjuð þegar ég svaraði kommentinu þínu mín megin í gær hahaha GUÐRÍÐUR MÍN.

[Guðrún Jóhannesdóttir, 19.11.2007 kl. 11:21]

  megi vikan verða þér ljúf  kæra Gurrí

[Guðríður Haraldsdóttir, 19.11.2007 kl. 11:46]

Heheheheh! Úps, úps ... sá bara fyrir mér einhvern latan skankalangan strák sem nennti þessu ekki ... Verð reyndar að segja að sölufólkið á Vikunni hefur selt gríðarinnar ósköp af áskriftum, þannig að þetta passaði ekki við letilið. Fyrst þetta er dóttir þín þá má hún rugla að vild í stólnum ... ég yrði bara þakklát fyrir að hann færi í rétta stöðu aftur!

Hún situr í mínu sæti ef hún horfir á leikarann Jason Statham úr sætinu, ég límdi mynd af honum aftan á tölvuna hjá Björk sem situr á móti mér.

[Guðrún Jóhannesdóttir, 19.11.2007 kl. 11:56]

hahahaha, allt kemst nú upp á blogginu, hehehehe

það er þá sennilega enginn skankalangu strákhvolpur, símasölumaður andskotans að andskotast í stólnum þínum

[Guðrún Jóhannesdóttir, 19.11.2007 kl. 12:11]

ef hún er svona lunkin sölumaður gerir ekkert til þó Gurrí (ef þetta er hennar stóll) þurfi að laga stólfj....

[Saumakonan, 19.11.2007 kl. 12:34]

ARGHHHH!!!!   Nú fæ ég martraðir aftur fyrst þú lést mig fara að hugsa um þessa *****(óprenthæft) mynd!!!

Btw.... sá alveg déskoti skemmtilega mynd af þér í gær í gamalli viku... með TAGL!!!   ROFL!!!!

[Guðríður Haraldsdóttir, 19.11.2007 kl. 12:57]

Saumakona ... ertu enn hrædd við hlekki gamalla, löngu dauðra sjóræningja sem eru uppspuni frá rótum ... ??? Hvað var þetta gömul Vika? Manstu það?

[Saumakonan, 19.11.2007 kl. 13:44]

1 tölublað. 1995, bls 39... mynd af þér og Hirti Howser... auglýsing fyrir Aðalstöðina hehehehehe

[Ingigerður Friðgeirsdóttir, 19.11.2007 kl. 14:36]

Les oft pistlana þína ákvað að það væri kominn tími til að kvitta. Þú getur alltaf komið manni í gott skap eftir erfiða daga í skólanum hafðu þökk fyrir það.

 Bestu kveðjur Ingigerður.

[Guðríður Haraldsdóttir, 19.11.2007 kl. 23:57]

Alltaf velkomin, Ingigerður

Verð að kíkja í Viku-möppurnar, Saumó!