13 árum seinna

Tíminn flýgur, það eru bráðum komin 13 ár síðan síðast.

Ég fór héðan yfir á DV-bloggið um hríð og einn daginn hurfu endanlega allar færslur allra sem höfðu bloggað þar sem er vægast sagt mjög grunsamlegt, Miðflokkurinn var ekki einu sinni til þá! En Moggabloggið er fínt - það stendur allt af sér.

Í ársbyrjun fann ég aukna þörf fyrir að láta ljós mitt skína víðar en á Facebook, Tinder, Snapchat, Instagram, Twitter og á vel völdum heimasíðum virtra fyrirtækja.

Það þarf nefnilega að skrifa um boldið, svartmáluð antíkhúsgögn, það þarf að segja frægðarsögur úr ræktinni, hetjusögur úr sóttkvínni í september og hvernig ég fór að því að hætta að reykja í apríl 2020 (grilláhöld og straubretti koma við sögu), það þarf líka að tala um skemmtilegar bækur og endurbæturnar í himnaríki.

Sjórinn minn er alltaf jafnfallegur eins og sést á myndinni, ef mér tekst að koma henni inn.Ég kann ekkert á bloggið lengur - en það kemur, það kemur. Ekki fara langt ...

Athugasemdir

[Margrét Bára (IP-tala skráð) 27.1.2021 kl. 19:49]

endilega skrifa,elska svona örsögur sem bloggið er,þó ég hafi ekki enn horft a boldið,enda ekki með stöð 2

[Kleó (IP-tala skráð) 27.1.2021 kl. 20:27]

Hér kynntumst við. Ég fékk meira segja hlutverk í bloggblondþættinum :)

[Sigríður Jósefsdóttir, 27.1.2021 kl. 22:07]

Elsku Gurrí mín, hvar værum við ef ekki fyrir bloggvinafélagið :-)

[Steingrímur Helgason, 27.1.2021 kl. 23:26]

HarrÝ.
Ozz finnzt að þin eigi að zmakkazt izz !

[Jens Guð, 30.1.2021 kl. 15:20]

Gaman að fá þig aftur í bloggheima.