Nafnasamkeppni ... og áskorun til stjórnvalda

Þá er kominn tími til að opinbera hvaða þroskaleikfang kettirnir fengu að gjöf á föstudaginn. Ég geri að sjálfsögðu allt fyrir kettina mína, þótt það kosti tugi þúsunda, jafnvel milljónir ... Þegar Jónatan hætti að kíkja á svalirnar kom stór eyða í líf Kubbs og Tomma og eitthvað þurfti að gera og það strax! Ég hugsaði mig vel um og festi svo kaup á Roomba-vélmenni, iRobot, sem mun skemmta þeim konunglega í vetur. Það er framleitt af sömu aðilum og gera vélmennin sem aftengja sprengjur í útlöndum en ég vildi frekar fá tæki sem gerði meira gagn í himnaríki og sæti Rúmbinn mun sjá um húsverkin héðan í frá. Vona að þetta hafi verið rétt val hjá mér. Hitt getur komið sér vel.

Það vantar fleiri karlmenn á heimilið (sorrí, Tommi) og því bið ég ykkur, kæru bloggvinir, að stinga upp á góðu karlmannsnafni sem passar við vélmennið. Loksins rætast draumar mínir. Þegar ég var lítil var ég viss um að árið 2000 myndu jarðarbúar ferðast um á flugbílum og hægt væri að stinga pillu í tæki sem breytti henni samstundis í góðan mat. Róbótinn er kominn, þá hefst bara biðin eftir pillunni.
Nú situr Tommi á stól og horfir hugfanginn á ryksuguróbótinn, Kubbur er aðeins fjær, enda frekar tortryggin kisa. Akkúrat núna var tækið að ljúka þrifum í stofunni og rúllaði sér sjálft í heimahöfn í hleðslu.    

ATH - ATH:

Eftirfarandi bréf barst hingað sem komment og mér er bæði ljúft og skylt að birta það hér til að vekja meiri athygli á því:

Undanfarna daga hafa birst afar skeleggar greinar um stöðu velferðarmála á Íslandi - einkum hvað lýtur að sjúkum og öldruðum. Þar skrifa konur sem fá daglega að reyna kerfið á eigin skinni - auk þess að berjast við 4 stigs krabbamein. Ég hvet þig eindregið til að lesa færslu á : http://www.blogcentral.is/gislina sem ber yfirskriftina „Mótmælum öll“, skoða athugasemdirnar og veita innihaldinu áfram á þinni síðu.
M. kv.
Linda María

Kíkið endilega á þessa síðu sem Linda María bendir á. Þetta er afar þarft málefni. Illa er farið með sjúklinga, öryrkja og eldra fólk á Íslandi, því miður! Held að enginn viti hvernig það er, nema sá sem í því lendir, að veikjast og þurfa allt í einu að lifa af lágum bótum. Stjórnvöld okkar treysta um of á, eða ætlast til, að góðgerðarfélög sinni skyldu þeirra. Ég fékk áfall þegar ég las síðustu færslu Þórdísar Tinnu, ungrar einstæðrar móður sem bloggar hér á Moggabloggi. Hún berst ekki bara við lungnakrabbamein á lokastigi, heldur kerfið. Hún þarf að lifa á 95.000 kr. á mánuði og ef ekki væri fyrir gott fólk væri hún eflaust illa stödd. En það velferðarþjóðfélag, segi ekki meira ... Annars bind ég vonir við heilbrigðisráðherrann okkar til rúmlega 100 daga, hann var einu sinni yfirmaður minn og er einstaklega góður og ljúfur maður. Vonandi getur hann eitthvað gert.
http://thordistinna.blog.is/blog/thordistinna/#entry-299482

Athugasemdir

[Doddi - Þorsteinn G. Jónsson (IP-tala skráð) 2.9.2007 kl. 20:56]

Nafnakeppni: Golfarinn --- Golfinn --- Hreinir --- Hreinn --- Arnold Schwarzenegger

Varðandi þetta með sjúklingana, öryrkjana og eldra fólkið, þá blöskrar mér líka óhugnanlega mikið. Ég er grenjandi yfir mínum launum og ég dauðkvíði morgundeginum. Þessi laun Þórdísar duga ekki einu sinni fyrir leigunni hjá mér!!! Þetta velferðarkerfi ... úff. Ég vil helst setja ríkisstjórnina í læst herbergi og láta hana horfa á Sicko myndina hans Michael Moore. 

Ég vona með þér, Gurrí! 

[Guðríður Haraldsdóttir, 2.9.2007 kl. 21:03]

Arnold, kallaður Arnie? Hmmm, hljómar ekki illa!

Sá á bloggsíðu í gær frásögn konu sem fór á einkarekna heilsugæslustöð (í Garðabæ?, úps, teflonheilinn minn), hún komst strax að og greiddi 700 krónur fyrir þjónustuna. Kannski er hægt að spara eitthvað með því að hafa hluta einkarekinn á meðan við förum ekkert í námunda við heilbrigðiskerfið í Bandaríkjunum. Helst vildi ég hafa þetta allt alveg ókeypis. Það þarf ekki að efla kostnaðarvitund okkar Íslendinga. Þótt til sé ríkt fólk þá er hér heill hellingur af fátækum sem hafa ekki efni á því að leysa lyfin sín út og það er til skammar!  

[Ásdís Sigurðardóttir, 2.9.2007 kl. 21:05]

Sammála ykkur í öllum nefndum atriðum, ég er að berjast við kerfið með mömmu núna og svo erum við Bjarni á örorku og þekkjum þann lúxus. Ég ætla að birta þetta á síðunni minni á morgun.  Nýja tækið gæti heitið Sucker

[Ásdís Sigurðardóttir, 2.9.2007 kl. 21:08]

Hvað kostaði nýja dýrið?? datt í hug nafnið Rúmba, dansar rúmbu um gólfin

[Guðríður Haraldsdóttir, 2.9.2007 kl. 21:12]

Það kostar rúmlega 40 þúsund. Við vorum nokkur í vinnunni sem keyptum tæki þannig að við fengum ágætan afslátt. 

[Katrín Snæhólm Baldursdóttir, 2.9.2007 kl. 21:24]

Það bara fer um mitt litla hjarta að lesa um hvernig farið er með fólkið okkar ungt eða gamalt sem missir heilsuna. Það vantar eitthvað í grunnhugmyndakerfi þjóðar sem ekki sér sér fært að leggja þeim sem minnst mega sín lið. En vitið hvað...allir sem hafa kosið svona stjórnmálamenn og konur eiga sína skömm í málinu. Því miður!!!

[Guðríður Haraldsdóttir, 2.9.2007 kl. 21:30]

Árni kemur sterkur inn!

[Jóna Á. Gísladóttir, 2.9.2007 kl. 21:35]

Gurrí!!! ertu búin að fá þér róbotinn. OMG. Og er hann að svínvirka? James bryti gæti hann heitið.

Ég ætla að setja inn færslu um þrýstihugmyndina á félagsmála/heilbrigiðiskerfið sem er komin fram varðandi þriðjudagsmorguninn. 

[Þröstur Unnar, 2.9.2007 kl. 21:36]

Mér finnst nú að nafnið Árni passi alls ekki í Himnaríki. Þarf að vera eitthvað himneskara, eitthvað sem svífur eða flýgur......hux,hux.

[Guðríður Haraldsdóttir, 2.9.2007 kl. 21:37]

Vá, brytinn, James bryti ... hljómar vel.

Arnie, Árni James bryti. Snilldarbloggvinir!

Átak á þriðjudagsmorgun! Sendum Jóhönnu og Guðlaugi tölvupóst! 

[Þröstur Unnar, 2.9.2007 kl. 21:37]

Yes, James.

[Guðríður Haraldsdóttir, 2.9.2007 kl. 21:41]

Árni James? Eða bara brytinn?

Svo þegar ég fæ mér skúringaróbótinn, sem von er á, getur hann verið kjallarameistarinn! Eða hirðfíflið?

Já, Jóna, hann svínvirkar, lítill, léttur, sterkur og þrífur vel. Ryksugaði (lauslega) áður en ég setti hann af stað ... samt kom hellingur af kattahárum og ryki í dallinn. Hann er alla vega skárri en ég í húsverkum, sýnist mér á öllu.

[Steingerður Steinarsdóttir, 2.9.2007 kl. 21:59]

Mér finnst það ekki spurning að hér þarf tilkomumikið nafn Kormákur eða Jörmundrekur eru tilvalin.

[Maja Solla (IP-tala skráð) 2.9.2007 kl. 22:25]

Ég ætla að vera alveg afskaplega ófrumleg og stinga uppá að ryksjúgarinn verði kallaður Robbi.

[Þóra Sigurðardóttir, 2.9.2007 kl. 22:49]

Mér finnst mannsnafnið Ljótur  eiga vel við. Ljótur þýðir m.a. ljós og á það vel við í himnaríki og eins er þetta þrælsnafn úr fornbókmenntum okkar 

[Linda María Magnúsdóttir (IP-tala skráð) 2.9.2007 kl. 23:20]

Gegnir hann nafninu ,,Friðrik´´? Hann er örugglega ekkert að setja stafsetninguna fyrir sig....

Hann sér um rykið og þú færð að vera í friði.

[Ólöf Anna , 2.9.2007 kl. 23:24]

Jónatan hin seinni. Jónatan annar. Er viss um að þetta er fuglinn Jónatan sem hefur umbreytt sér til að komast inn í íbúðina.

 Annars fá Robbi og Jenni líka. En annars er Þóra líka með góða tillögu

[Guðrún Jóhannesdóttir, 2.9.2007 kl. 23:31]

Pétur !  samanber lyklaPétur í himnaríki (kann ekki við að segja Jesú )

[Guðríður Haraldsdóttir, 2.9.2007 kl. 23:43]

Frábærar tillögur. Nú er þessi elska að taka eldhúsgólfið í gegn og kettirnir fylgjast stjarfir með. Þetta er dúndurgræja, segi nú ekki annað, þrælsterk og sér ekki á henni þótt húns é allataf að stíma á! Tommi verður farinn að taka bíltúra með honum áður en ég veit af, sest upp á gripinn, held ég. Eina sem ég get sett út á er að rafhlöður fylgdu ekki með ... það var ekki séns að ég nennti út í sjoppu í dag! Rafhlöður fara í fjarstýringuna og líka tvö tæki sem búa til geisla sem róbótinn fer ekki í gegnum. Sá sem seldi mér gripinn sagði að hann skilaði 98% hreinu, það er helst að hornin fái ekki jafngóða meðferð, burstinn fer samt út í þau ... ég ryksugaði sko ekki eldhúsgólfið á undan og það virðist vera orðið tandurhreint á hálftíma. Samt er gaurinn enn að! Kaupið endilega Vikuna sem kemur út á fimmtudaginn ... hvað ætli verði í krossgátuverðlaun þá? 

[Jenný Anna Baldursdóttir, 2.9.2007 kl. 23:53]

Ég er farin á heilsuhæli.  Pang Slamm.  Það var nú ekki gott á mér ástandið til höfuðsins áður en ég kom hér inn en núna.  Segieggimeir

[Sigga (IP-tala skráð) 2.9.2007 kl. 23:53]

Mér finnst Sigvarður alveg tilvalið nafn

[Fishandchips, 3.9.2007 kl. 00:09]

OMG mig er búið að langa svoooo í þennan grip. Læt nægja í bili hana Jakobínu sem er svona moppurobot. En hef víst ekki efni á stóru systir enn. En hún Jakobína er sko betri en engin og kostaði bara fimmþúsundkall.

[Jens Guð, 3.9.2007 kl. 00:49]

  Ég hef sagt það áður að ég skil ekki hvernig fólk kemst af með laun undir 700.000 á mánuði.  Ég veit að margir eru með 100ogeitthvað þúsund á mánuði.  En ef við tökum saman húsaleigu/afborganir af húsnæði,  eðlilegan símkostnað,  matarkostnað og annað þá erum við að tala um upphæðir sem fara vel yfir 200.000 kall að lágmarki á mánuði.  Bara VISA reikningurinn minn er venjulega um 500.000 kall og það er fátt á honum annað en matur og bjór.  Hvorki hótelkostnaður eða eiginlegt bruðl. 

[Ása Hildur Guðjónsdóttir, 3.9.2007 kl. 01:39]

Ég mæli með Einar finnst það svo eitthvað passa svo vel við Kubbur og Tommi. Er tækið ekki líka alveg einstakt.....

Ha Jens etur þú og drekkur fyrir 500.000 kr á mánuði ? Nú held ég þú sért að stríða okkur.

[Harpa J (IP-tala skráð) 3.9.2007 kl. 10:04]

Þetta örorkukerfi er einfaldlega algert bull. Svo er annað sem fólk gerir sér oft ekki grein fyrir. Það er að sjúkdómatryggingarnar sem tryggingafélögin selja gilda ekki nema fyrir örfáa sjúkdóma. Ég er til dæmis óvinnufær með  ólæknandi sjúkdóm og sjúkdómatryggð í bak og fyrir - en það skiptir engu, ég fæ ekki krónu því að ég er ekki með ,,rétta" sjúkdóminn.

[Katrín Snæhólm Baldursdóttir, 3.9.2007 kl. 10:16]

Ég hef nú bara verið úti á túni. Hafði ekki hugmynd um að það væri í alvöru til svona vélmenni sem sópar og skúrar gólf eða að það þurfi 500.000 á mánuði til að borða fyrir Drífur svona græja eitthvað á teppum...gæti hún elt og étið köngulær???? Mér finnst þetta bara alveg frábært....og mæli með nafninu Valgeir Jóna. Alger óþarfi að fara í kyngreiningu á tæki og það fer því þess vegna vel að bera nöfn beggja kynja þar sem nú fer sú tíska um heiminn að allir taki jafnan þátt í heimilisstörfum. Lesið bara Vouge!!

[María Anna P Kristjánsdóttir, 3.9.2007 kl. 11:33]

Já nafn á róbótinn,hann gæti heitið t.d. Hjálpsamur,eða Guðdómur,ég hef í raun meiri áhuga á að vita hvar þú keyptir þennann guðdómlega róbót.Ég er komin í skóna og kápuna með peningana í höndunum,ég veit bara ekki hvert ég á að fara.

[Guðríður Haraldsdóttir, 3.9.2007 kl. 12:41]

Í fljótheitarugli, enda brjálað að gera, María ... kíktu á www.irobot.is, fyrir tækið heitir Grímfell s. 848 7632, fæst í Byko, Ormsson og fl.

[Sigga (IP-tala skráð) 3.9.2007 kl. 14:20]

Ég var að skoða video með þessu snilldartæki á irobot.is.  Ertu ekkert hrædd um að þetta apparat ráðist á kettina og éti þá?

[Magnús Geir Guðmundsson, 3.9.2007 kl. 14:22]

EF jafnréttissjónarmiðin bera menn ekki ofurliði, þá finndist mér að karlkynsnafn væri heppilegra og frk. Guðríður líka betur settari og sáttari með það! EF ég ætti að skíra gripinn, þá fengi hann einfaldlega nafnið HREINN, en gengi auðvitað alltaf undir nafninu HREINSI!

Og til lukku bara, margar yndis- og ánægjustundir framundan í LETINNAR ÞÁGU!

Næsta kynslóð af gripnum hlýtur svo að bæta við sig uppvaski og eldamennsku!

[Jóhanna (IP-tala skráð) 3.9.2007 kl. 15:23]

Gurrí, hvað með að kalla nýjasta karlmanninn Hermann. Eða þá kannski Hreinn Sveinn, kallaður, Gvendur... hehehehe

[Heiða (IP-tala skráð) 3.9.2007 kl. 16:02]

Sæmundur.

Sæmundur fróði lét hrífurnar raka sjálfar ekki satt......

[María Anna P Kristjánsdóttir, 3.9.2007 kl. 17:25]

Takk,takk,ég ætla að athuga þetta.

[Guðríður Haraldsdóttir, 3.9.2007 kl. 17:49]

Katrín, ég er svo jafnréttissinnuð að ég vil strák fyrir Tomma. Við Kubbur stjórnum öllu með harðri hendi, stelpurnar. Þetta er ekki draumur um að karlmaður geri húsverk, sussu nei, slíkt væri viðbjóður.

Líst ótrúlega vel á þessi nöfn, held ég verði að skella inn skoðanakönnun við tækifæri ... eða sem allra fyrst. 

[Ingibjörg R Þengilsdóttir, 3.9.2007 kl. 18:13]

Heyrðu hvernig væri "Gulli"  þetta er jú gull af manni og svo kemur gullna hliðið sterkt inn í þessu samhengi og svo passar þetta við þitt nafn  Gurrí og Gulli í Himnaríki.

Einnig: 

Er Rambo komið það þykir mér langflottast eða þá bara Sylvester og svo þessi sexí gæi þarna í Boldinu ég man nú ekki hvað hann heitir Alex eða eitthvað slíkt.

Svo er náttúrulega  Atlas guðinn mikli eða Herkúles, Seifur og hvað þeir nú allir heita.

Eða bara Óskar - þetta er jú heitasta ósk hverrar konu að rætast - einhver sem þrífur án þess að segja eitt einasta orð.

Ég er farin að elda kvöldmat fyrir minn mann, hann er stundum kallaður JóJó - þú gætir kannski notað það

jæja þú verður bara að hafa nafnasamkeppni - það yrði bara nokkuð mikið fjör

kveðja

Ingibjörg þ 

[krossgata, 3.9.2007 kl. 18:45]

Hreindýrið þarna gæti heitað Dustin eða Ríkharður kallaður Rikki (RYKki).  Hvers lenskur er hann annars?

Staða öryrkja og aldraðra er þjóðfélaginu til skammar.  Til dæmis skerðast bætur öryrkja töluvert strax og maki hefur laun sem duga fyrir nauðþurftum upp í nös áketti og það eru ekki há laun.  Fyrir nú utan þá niðurlægingu að vera háður makanum um allt til alls, jafnvel aur fyrir blandi í poka dytti manneskjunni í hug að gerast svo djörf að langa í slíkt eitt laugardagskvöldið.

[Elín Katrín Rúnarsdóttir. , 4.9.2007 kl. 13:47]

Vinur, finnst mér flott nafn á kött. Sonur er líka flott, Lúxus er flott nafn, Magnús, Mummi og Muggur