Ófært!!!

Sá hlær best sem síðast hlær. Þetta á vel við um storminn sem hvín á Kjalarnesinu núna með hviður upp í 45 m/sek. Ég sé eftir því að hafa gert grín að honum og  þannig hvatt hann til að láta svona illa. Enginn strætó gengur nú á milli Akraness og Reykjavíkur vegna óveðurs, hvassviðris, storms ... Ég sat reyndar ekki klukkan sex og beið eftir strætó, heldur sofnaði aftur, kíkti síðan á hviðusíðuna næst kl. 7 og eftir næsta blund hringdi ég í stjórnstöð Strætó og fékk að vita að engin ferð var heldur kl. 9.41. Svo gerði heimasíminn minn sér lítið fyrir og bilaði. Hvert hringir maður til að fá bót meina hans? Er ekki búið að loka 05?

Í einum fegurðarblundinum í morgun dreymdi mig að ég kæmist nú samt í vinnuna með lest gekk á milli Akraness ... og Lundúna. Ég var eitthvað sein og beið eftir upplýsingum frá breskri starfskonu, sem var að prjóna, um það hvaða lest ég gæti tekið til að komast í vinnuna.

Þetta hlýtur að tákna að minnsta kosti Heklugos!!!

Athugasemdir

[Hildigunnur Rúnarsdóttir, 24.9.2007 kl. 10:30]

8007000

:)

[Guðrún Jóhannesdóttir, 24.9.2007 kl. 10:31]

heklugos, ekki spurning !

[Kjartan Pálmarsson, 24.9.2007 kl. 10:32]

1771 úr GSM

[Guðríður Haraldsdóttir, 24.9.2007 kl. 10:37]

Takk, þið eruð æði!!!

[Heiða B. Heiðars, 24.9.2007 kl. 10:48]

Ert þú sem sagt með afsökun fyrir því að kúra á mánudagsmorgni?

[Guðríður Haraldsdóttir, 24.9.2007 kl. 10:57]

Svona líka góða, hefði þó getað kúrt til hádegis ... hellti bara í mig kaffi kl. 9 og er að drepast úr samviskusemi ... get nefnilega unnið heima. Allesatt!

[Heiða B. Heiðars, 24.9.2007 kl. 11:30]

Ohhhhhh það er svoooooo kósý að vinna heima!! Ég er farin heim :)

[Katrín Snæhólm Baldursdóttir, 24.9.2007 kl. 12:22]

Já Gurrí mín ég man það núna að ég talaði við þig í morgun í svefnrofunum. Þú baðst mig að láta hvessa svo þú þyrftir ekki að fara í vinnuna og slíta símastrenginn svo þú fengir frið. Og nú heimtarðu Heklugos!!! Ég held að við hér í London getum ekki orðið við þeirri bón þinni núna en skvettum á þig stórbrotnum öldum sem eru engu líkar. Kíktu bara út um gluggann þínn núna. Kveðja frá Lon og Don...njóttu þess að dingla þér á náttfötunum darlingið mitt.

Knús

[Jóna Á. Gísladóttir, 24.9.2007 kl. 12:43]

og er mín þá bara á náttfötunum fyrir framan tölvuna með Jónas malandi við fætur sér. Assgotinn.

[Guðríður Haraldsdóttir, 24.9.2007 kl. 12:53]

Held að öldurnar verði stórkostlegar á morgun, Katrín, núna heldur vindurinn þeim algjörlega niðri (ekki rétta vindáttin). Ég er í náttsloppnum yfir fötunum, hann er svo hlýr, Jóna. Takk fyrir að minna mig á J'onas, best að setja hann í gang, þessa elsku. 

[Katrín Snæhólm Baldursdóttir, 24.9.2007 kl. 12:57]

Næsta blogg frá Gurrí verður frygðarstunublogg....Jónas í stuði og hún á náttfötunum og getur argað eins hátt og hún kærir sig um í þessum óveðursham Mér hefði auðvitað aldrei dottið neitt eins dónalegt í hug ef ekki hefði verið fyrir upplýsingarnar hér fyrir neðan um hvað Jónas gerir þegar hann er búinn með gólfin. Svo þetta er ekki mér að kenna.

[Kristín Katla Árnadóttir, 24.9.2007 kl. 13:30]

[Anna Ólafsdóttir (anno) (IP-tala skráð) 24.9.2007 kl. 13:39]

Eftir að hafa lent í hinum og þessum hremmingum í svona veðri sé ég á fréttum síðustu daga og blogginu þínu að það er ekki séns að ég geti búið á Akranesi

[Þröstur Unnar, 24.9.2007 kl. 13:53]

Kommon, hún villdi ekkert símanúmer, fattið þið þetta ekki. Það er búin að vera renni blíða í allan dag, nema kannski um 7 leitið.

[Guðríður Haraldsdóttir, 24.9.2007 kl. 14:11]

Það er allt í lagi með veðrið á Akranesi, bara smágola hérna, en á Kjalarnesi gegnir allt öðru máli, þar hefur verið brjálað hvassviðri síðan seinnipartinn í gær og strætó ekkert gengið í dag. Er að lægja núna. Það er frábært að búa á Akranesi ... 

[Jenný Anna Baldursdóttir, 24.9.2007 kl. 14:23]

Skolli gott hjá minni, búin að fá veðrið í lið mér sér.  Haha, á svo að vera heima á morgun líka?  Flott.

[Guðríður Haraldsdóttir, 24.9.2007 kl. 14:45]

Neibbs, elskan. Ég fer í vinnuna. Tek mér frí á fimmtudaginn og þarf að vinna daga og nætur þangað til svo að ég geti klárað ... blaðið í prentun á föstudag!