Skagasápan - fyrsti hluti - gurrihar.blog.is

6.10.2007 | 23:51

Skagasápan - fyrsti hluti

Brúðkaup stendur fyrir dyrum á Akranesi. Himnaríki er undirlagt af bloggvinum. Gurrí veit innst inni að hún tekur mikla áhættu með því að giftast Þresti þar sem hún hafði áður verið gift manni með fuglsnafn (Má Högnasyni) og einnig átt í eldheitu en slítandi sambandi við Jónatan máv. Það vekur henni örlítinn ugg að hún hefur aldrei hitt Þröst en hún setur það þó ekki alvarlega fyrir sig. Hugurinn reikar. Drekkur hann bara te, hvernig kreistir hann tannkremstúpuna, er hann kannski morgunhani um helgar, heldur hann ekki örugglega með West Ham, hrýtur hann hátt?

Saumakonan kemur hlaupandi með brúðarkjólinn sem hún hafði prjónað í snarhasti eftir að Jónas í afbrýðikasti hafði étið þann handsaumaða sem Jenný hafði fyrir rest lagt blessun sína yfir. Mátunarhjálparliðið býr sig undir að troða. Skyndilega kemst allt í uppnám þegar Brooke kemur æðandi með slúðurblaðið Skessuhorn og sýnir viðstöddum. Þar má finna paparazzi-myndir af því þegar Guðmundur borðaði nýlega með tilvonandi brúði í Galito. Þar má líka lesa að Keli svaramaður er flúinn til Danmerkur. Jóna hnígur niður í sófann og heimtar kaffi. Erfðaprinsinn er undarlega þögull og horfir stjarfur á Steingerði. Getur verið að Guðný Anna hafi verið með puttana í þessu? Doddi blikkar Eddu laumulega og þau hverfa út á suðursvalirnar og loka á eftir sér. Krossgata er komin með sunnudagsmoggann í hendurnar og hefur misst áhugann á öllu öðru. Halldór lánar henni penna.

Á sama tíma í Englandi: Katrín tekur þá ákvörðun að flytja heim til Íslands í hvelli.

Á sama tíma í Ameríku: Bertha hefur áhyggjur af þessu öllu saman en ætlar ekki að flytja til Íslands. Það hefur þau áhrif að Kristín ákveður að vera um kyrrt í Kanada.

Á sama tíma í rauðum jeppa á miðri Garðabrautinni: Þröstur situr þögull með Skessuhorn í sætinu við hlið sér. Hann bærist ekki þótt Tommi strætóbílstjóri flauti stöðugt en hann þarf að halda áætlun.
Í aftursæti rauða jeppans er stór ferðataska full af fimmþúsundköllum, fyrsta greiðsla frá erfðaprinsinum. Næsta afborgun, helmingi stærri, mun berast á eins árs brúðkaupsafmælinu. Á hann að afplána þetta ár til að fá næstu greiðslu eða á hann að fara á eftir Kela til að fá einhver svör? Hvað með séra Eðvarð, hefur hann kirkjukórinn alveg í vasanum? Þröstur hrukkar gáfulegt ennið og ákveður að skella sér í sund til að geta hugsað enn meira. Hann er svo þungt hugsi að hann leigir óvart bleikan sundbol og gult handklæði ... framhald síðar ...

Meginflokkur: Bloggar | Aukaflokkar: Menning og listir, Spil og leikir, Vinir og fjölskylda | Facebook

Athugasemdir

Brilljant. Meira.

Jenný Anna Baldursdóttir, 7.10.2007 kl. 00:22

Hmm, hér vekur mikið fuglager helst athygli, Mávar tveir, Þröstur og Morgunhani!Vonandi kemur Geir-fugl ekki líka við sögu!?

skil bara ekki eitt, hvað er þessi Brooke að gera þarna, er hún í Bloggvinakompaníinu?

Bestu kveðjur til þín Skáldkona!

Magnús Geir Guðmundsson, 7.10.2007 kl. 00:26

Gat nú verið að JennýAnnakaffikanna færi að troða sér framfyrir á lopapeysunni og flókainniskónum!

Magnús Geir Guðmundsson, 7.10.2007 kl. 00:29

Það þarf nú framhald á þessa sápu, þinn fyrrverandi hlýtur að koma inn í myndina aftur þetta er svona BB syndrom, drífðu í þvi að hitta Þrössa og láta okkur vita hversu eftirsóknarverður gaurinn er. Kannski er hann stundum að kíkja á þig í líki Jónatans mávs, who knows.

Rock on girl.

Ásdís Sigurðardóttir, 7.10.2007 kl. 00:35

Juuuu hvað þetta er spennandi <--- á innsoginu..... ---> snýr sér aftur að 7 lóðrétt.

krossgata, 7.10.2007 kl. 01:08

Snilld. Bíð spennt eftir framhaldinu. Mundu bara að ég vil latte með froðu

Jóna Á. Gísladóttir, 7.10.2007 kl. 02:02

Bregður Þröstur sér í Mávs líki???? Gurrí þú ert nú alveg snilld Ég á brúðkaupsafmæli í dag svo ég er í brúðkaupsham oní kassa upp úr kassa, ný flutt og brosandi!

www.zordis.com, 7.10.2007 kl. 08:07

Guðríður, ég góni enn

girndarlega á þig

og skil nú vel að margir menn

sem maka vilji fá þig.

Már Högnason (IP-tala skráð) 7.10.2007 kl. 08:37

Er þetta ekki stolið? Það fattar það enginn ef þú breytir Brooke í Brák (konugreyið vill örugglega ekki heita Brúk - en hvað veit ég, ekki fylgist ég með Boldinu).

Gúrúinn, 7.10.2007 kl. 09:03