Skagasápan (2:3)

7.10.2007 | 13:44

Gísli bæjarstjóri hefur þungar áhyggjur. Fyrirhuguð stærsta sameining í sögu bæjarins er við það að klúðrast. Á bæjarstjórnarfundum hefur giftingin verið rædd í þaula og hagsmunir margra í húfi. Sameining Skagasápunnar og himnaríkis ef. gæti verið það stærsta síðan HB&Co sameinaðist ÞÞÞ.
„Hvers vegna getur Þröstur ekki verið tengdasonur minn?“ segir Gurrí dapurlega við Hörpu þar sem þær sitja og horfa á Sementsverksmiðjuna. Gurrí blaðar annars hugar í Harry Potter-bókinni og hrærir í vöffludeigi í leiðinni. „Það hefði gert ástríðurnar svo miklu meiri! En ... engin dóttir ... enginn tengdasonur!“

Á sama tíma í sundlauginni: Dulbúinn maður með sólgleraugu gefur sig á tal við Þröst þar sem þeir sitja í heita pottinum. „Þú veist, er það ekki, að þú þarft að elda?“ Þröstur brosir að þessum brandara. Allir vita að konum líður best við eldavélina og gefa þann stað ekki svo glatt eftir. „Eitthvað fleira?“ spyr hann töffaralega. „Og ryksuga líka ...“ bætir maðurinn við. Þröstur rífur sólgleraugun af manninum. Í ljós kemur að þetta er Már, einn af fyrri eiginmönnum himnaríkis. „Bíddu karlinn, ég veit ekki betur en að þið Gurrí hafið aldrei hist, heldur ekki allan þann tíma sem þið voruð gift, svo er ryksuguróbót í himnaríki, kjánaprik,“ segir Þröstur sárreiður. Már segir spekingslega: „Ég veit mínu viti vel/ virðist Gurrí góð/ bíddu þar til hún veiðir sel/ og verður við það rjóð!“ Már lætur sig hverfa. Eftir situr Þröstur í sjokki. Þetta hafði honum ekki dottið í hug. Ekki hvarflar að honum að eitthvað sé gruggugt við það hversu margir reyna að koma í veg fyrir brúðkaupið.

Á sama tíma í Englandi: Katrín hringir nokkur mikilvæg símtöl, m.a. í íslensku lögregluna, Orkuveituna, Egil Helgason og forstjóra Sementsverksmiðjunnar. Hún brosir kvikindislega og veit að ekkert verður af brúðkaupinu kl. fjögur í dag. Hún áttar sig ekki á því að sími hennar er dauður eftir heimsókn "símamanns" og ógnin vofir enn yfir vinkonu hennar í himnaríki.

Meginflokkur: Bloggar | Aukaflokkar: Menning og listir, Spil og leikir, Vinir og fjölskylda | Facebook

Athugasemdir

Góður.

María Anna P Kristjánsdóttir, 7.10.2007 kl. 14:11

Við hvern talaði hún ef síminn var dauður? Þetta er mjög dularfullt.

krossgata, 7.10.2007 kl. 14:14

Hún gaf fyrirskipanir í símann, þurfti ekki svör, alvörudama!

Guðríður Haraldsdóttir, 7.10.2007 kl. 14:19

Ja, ólætin á Skaganum, þú verður að finna góðan botn í þetta mál. Annars endar þetta sem lögreglumál.

Ásdís Sigurðardóttir, 7.10.2007 kl. 14:23

Dónalegt...þarna með tengdasoninn. Finnst ég vera Leiksoppur Örlaganna (Victoría Holt?)

Þröstur Unnar, 7.10.2007 kl. 14:43

Æ, ég réð ekkert við mig ... þegar sápan tekur yfirhöndina fer allt siðferði lönd og leið, tókst þó að ritskoða helling. Fylgstu með lokakaflanum ... á þessarri frábæru helgarsápu. Þú áttir hugmyndina, Þröstur minn, þegar þú talaðir um Skagasápuna.

Guðríður Haraldsdóttir, 7.10.2007 kl. 14:48

Ég bíð óróleg. Ætli þetta eigi eftir að verða raunveruleikasápa?

Jenný Anna Baldursdóttir, 7.10.2007 kl. 15:22

hahaha..

Æ elsku Gurrí mín takk fyrir að byrja með sápuna aftur. Man eftir síðustu og hvað ég hló oft og hátt við tölvuna. Það gefur lífi mínu svo mikið gildi að vera mikilvæg persóna í sápu og geta komið hér og séð hvað ég er að bralla svona fyrir utan þetta venjulega að fyrirskipa aftur og bak og áfram öllum í kringum mig. Og eins og ég æpi alltaf á mitt fólk.."Ef þið gerið bara eins og ég segi þá verður allt í lagi".

Katrín Snæhólm Baldursdóttir, 7.10.2007 kl. 15:31

Raunveruleikasápa? Heldur þú að ég myndi láta sjá mig í prjónuðum brúðarkjól?

Engin sápa án Katrínar ... hehehhehe!

Guðríður Haraldsdóttir, 7.10.2007 kl. 15:40

Nú held ég að Jenný sé kj....stopp.