Sjónvarpsplat og Evróvisjónpælingar með dassi af Pink Floyd

Skrýtið að Stöð 2 auglýsti lengi vel að Grey´s Anatomy hefjist í apríl.  Fyrsti þátturinn eftir verkfall handritshöfunda verður ekki sýndur fyrr en í maí. Auglýsingin sagði alltaf 30. apríl en þá verður upprifjunarþáttur. Þeir eru nýbúnir að bæta við: Sagan til þessa. Kannski allt í plati til að fá fleiri áskrifendur í apríl. Mín orðin svolítið beisk eftir sport-tv-meðferðina.

Svo var ég að komast að öðru tengdu sjónvarpi ... Norrænu Evróvisjónþættirnir, þar sem Eiríkur Hauksson var fulltrúi Íslands, verða ekki framleiddir í ár. RÚV ætlar að bregðast við með séríslenskum þætti. Laugardagskvöldið 3. maí nk. verður sýndur fyrsti þáttur af þremur þar sem Páll Óskar, dr. Gunni, Guðrún Gunnarsdóttir og Reynir Þór Eggertsson spá í lögin sem keppa til úrslita í ár. Líst bara vel á þetta. Það er alltaf stemmning í kringum Evróvisjón þrátt fyrir öll áföllin sem þjóðin hefur fengið í gegnum tíðina, við sendum algjör sigurlög ár eftir ár en smekklausar Evrópuþjóðir hafna þeim stöðugt. Mér finnst heldur dýrkeypt að ganga í Evrópusambandið til að fá fleiri atkvæði ... Sumir halda því fram að við veljum yfirleitt alltaf lög sem við höldum að falli í kramið hjá hinum þjóðunum, ekki lög sem okkur finnist flottust. Að vanda hef nú samt ég algjöra ofurtrú á laginu okkar, eins og öllum lögum sem við höfum sent í gegnum tíðina. Fyrst ég er byrjuð að skrifa um tónlist læt ég hér fylgja ótrúlega sætt lag fyrir svefninn:

 

Athugasemdir

[Helga Guðrún Eiríksdóttir, 25.4.2008 kl. 00:11]

Gleðilegt sumar, Gurrí mín!

[Bragi Einarsson, 25.4.2008 kl. 10:20]

Svona er að vera háður þessu sjónvarpi! Annars, gleðilegt sumar og hafðu það gott!

[Guðríður Haraldsdóttir, 25.4.2008 kl. 10:58]

Vissi að ég fengi blammeringar ... háð sjónvarpi ... hnussssss ... Hrifin af sumum þáttum og ókei, kannski háð fréttum (kannsi boldi af skyldu) ... en ...

Gleðilegt sumar samt, mr. Bragi og Ms Helga Guðrún ...

[Guðmundur G. Hreiðarsson (IP-tala skráð) 25.4.2008 kl. 11:21]

Fínt lag með Pink Floyd, en fyrir fólk eins og mig, sem er lengi að festa svefn, mæli ég með Echoes (~23 mín.).

[Doddi - Þorsteinn G. Jónsson (IP-tala skráð) 25.4.2008 kl. 11:31]

Gleðilegt sumar, elsku besta sætasta og flottasta Gurrí í heimi!

Takk fyrir veturinn, maður þegir kannski fullmikið hér á blogginu en ég elska þig samt

[Guðríður Haraldsdóttir, 25.4.2008 kl. 12:32]

Elska þig sko líka Doddi :)

Prófa Echoes næst.