Heilmikill söknuður ...

Fyrir nokkrum árum keypti ég mynd og hengdi hana upp á baðvegg hjá mér. Þetta er þekkt mynd sem sýnir brjálað brim og risaöldu sem næstum gleypir vita.

Vitavörðurinn stendur sallarólegur í dyrunum ... eða hvað? Af einskærum brimsöknuði kíkti ég á elsku youtube og fann m.a. áhugaverðar upplýsingar um þessa mynd og að auki klikkaðislega flott myndband af brimi.

Mjög rólegt hefur verið við Langasandinn í sumar og mig hungar í flott brim. Fæ væntanlega góða útrás fyrir það með því að horfa á þessi flottheit aftur og aftur. Þannig verður líka miklu auðveldara að bíða eftir blessuðum haustlægðunum.

 

Endilega kíkið: http://www.youtube.com/watch?v=fapXUqagiFQ&feature=related

Og hér kemur flotta myndbandið, góða skemmtun:

 

Athugasemdir

[Ásdís Sigurðardóttir, 28.6.2008 kl. 19:47]

Gott Brim er æði. Þegar ég bjó á Húsavík, sóttist ég eftir því að fara fram á bakkann og sjá brjálð brim, eitthvað svo mikilfenglegt.   

[Anna Ólafsdóttir Björnsson, 28.6.2008 kl. 22:12]

Geðveikar brimmyndir! Langar samt ekki að sjá þetta éta sig upp eftir húsinu þínu upp á fimmtu hæð í hmnaríki!

[Guðríður Haraldsdóttir, 28.6.2008 kl. 22:52]

Hehhe, Anna, ekki ég heldur (4. hæð reyndar) en þetta er alveg stórfenglegt.

Já, Ádís, gott brim er sko æði.

[Linda Linnet Hilmarsdóttir, 29.6.2008 kl. 00:04]

Innlitskvitt og bestu kveðjur

[Haraldur Bjarnason, 29.6.2008 kl. 09:29]

Gurrí þetta er flott myndband. Þú sérð aldrei alvöru brim við Langasand, þar er bara sandur. Farðu niður á Breið, þar er brim bæði við suðuflösina og vesturflösina, svo með öllum Skaganum norðanverðum, þar sem eru klettar, þar er brim.

[Hildigunnur Rúnarsdóttir, 29.6.2008 kl. 14:08]

vá, klikkað flott!  Elska brim.

[Guðríður Haraldsdóttir, 30.6.2008 kl. 09:06]

Trúi þessu ekki upp á hana Hrafnhildi ofurkisu, Anna, varstu kannski með allt í botni? Óttaðist hún brimhljóðið eða sálumessu Mozarts?

Haraldur, sammála, vantar kletta, það koma þó stundum flottar og stórar öldur við Langasandinn.

[Jóna Á. Gísladóttir, 30.6.2008 kl. 10:29]

Vá hvað þetta er flott myndband. En getur verið að þetta sé raunverulegt? Þegar maður horfir á kraftinn í sjónum og briminu þá býst maður alveg eins við því að vitar og hús sópist í burtu eins og eldspýtustokkar.

[Helga Magnúsdóttir, 30.6.2008 kl. 10:34]

Sjórinn er flottur þegar hann æsir sig. Mér fannst alltaf rosalega gaman á sjónum með pabba þegar öldurnar riðu yfir bátinn og maður sá bara sjó og ekkert annað í smástund.

[Magnús Geir Guðmundsson, 30.6.2008 kl. 14:33]

Jájá, Jónu frómu er óhætt að fullvissa, að ekkert "blöff" er á ferð. EF litla blokkin hennar Gurríar yrði sett út á sjó og lognið færi ögn að æsa sig, yrði hún eins og lítill eldspýtnastokkur á veltingi í tugi metra háum öldunum!