Varúð, bold og vægast sagt krassandi framtíðarbold

8.4.2008 | 17:59

Varúð, bold og vægast sagt krassandi framtíðarbold

Píanóleikarinn spilar Unforgettable á meðan Brooke og Ridge haldast í augu. Einhver vonnabí rjómatík á skrifstofu Ridge. Þetta hlýtur að vera að hugsun, gömul minning, það getur ekki svona margt hafa gerst síðan í gær þegar Brooke lofaði Nick sínum eilífri ást. Jú, þetta er að gerast. Brooke gefur Ridge myndaalbúm þar sem fyrsta myndin er af þeim tveimur að kyssast. Hún kann að snúa hnífasettinu í sárinu. Hún heldur sér nú helvíti vel og virðist ekki hafa farið jafnoft undir hnífinn og hin varaþykka Taylor sem í raunheimum er gift lýtalækni. Brooke kyssir Ridge bless og það áður en forrétturinn kemur á borðið og lætur sig hverfa.
„Þú fékkst Nick, nú er komið að mér,“ segir Felicia sem vill Dante. „Ég fékk Nick bara að láni,“ svaraði Bridget sem fórnaði honum til móður sinnar. Dante virðist hafa vilja og kýs Bridget.

VARÚÐ, VARÚÐ, ekki lesa lengra nema þið viljið vita OF MIKIÐ: Ég gægðist aðeins inn í framtíðina í boldinu, ég er með nettengda kristalskúlu. Jú, þetta var víst rétt. Taylor, fyrrum keppinautur Brooke um ástir Ridge, er farin að deita Rick, son Brooke og þar sem Taylor, geðlæknirinn geðþekki, var orðin svo mikil fyllibytta var Nick dæmt forræði barnsins sem Taylor gekk með en er samt í raun ekkert blóðskylt henni, heldur á Brooke það raun, eftir að doktor Bridget ruglaðist á eggjum á læknastofunni. Taylor er hætt að drekka en þegar Brooke komst að því að Nick ætlaði að leyfa henni að vera með barnið yfir nótt bilaðist hún og sagði Nick frá Taylor og Rick. Þess má geta að doktor Bridget er farin að vera aftur með Nick. Hann á eftir (í íslenska sjónvarpinu) að kvænast Brooke, síðan Taylor og líklega fljótlega Bridget þar sem þau eru byrjuð að sofa saman. Það er ekkert hægt að skemmta sér með gæunum í boldinu, þeir vilja alltaf giftast! Ég held að Brooke og Ridge séu gift. Einhver skaut Stefaníu, bróðir Brooke, held ég, en hún lifði það af. Systir Stefaníu er móttökudama hjá Forrester og er andstyggileg við unga glæsikvendið í tígrisfötunum sem er búin að ákveða að verða frú Eric Forrester ... en Stefanía elskar enn sinn gamla og það veit systirin. Hvað varð eiginlega um Dante og hvar er Amber?

Meginflokkur: Bloggar | Aukaflokkar: Sjónvarp, Vinir og fjölskylda | Facebook

Athugasemdir

Vá þvílík flétta. Held ég verði nú bara að fara að splæsa í Stöð 2 bara fyrir boldið

Bryndís R (IP-tala skráð) 8.4.2008 kl. 18:25

Tiger, 8.4.2008 kl. 18:34

Ups... textinn hvarf bara - ætli það sé reimleiki í boldheimum? Bjallaði í móður mína og sagði henni að hún gæti forvitnast inn í framtíð boldsins hjá þér. Hún elskar þessa sápu og var mjög hrifin af því að fá hérna smá innsýn í framtíðina... Knús á þig Gurrí mín...

Tiger, 8.4.2008 kl. 18:36