Sumarfríið byrjar vel ... æsispennandi heilapróf

Skrýtin tilfinning að vera komin í sumarfrí. Nú skal vakað frameftir og djammað út í eitt. Djammið verður m.a. fólgið í kaffidrykkju, almennri leti, lestri, útsofelsi, skemmtiferðum til Reykjavíkur, stúdentaveislu á föstudaginn, sérlegri himnaríkistiltekt, almennilegum þvottafrágangi með skápatakelsi og fleira skemmtilegu.

„AC Milan eða Liverpool geta hagnast um 10 milljarða íslenskra króna,“ sagði í fréttum. Af hverju fá svona margir greitt í íslenskum krónum? Sorrí, gat ekki stillt mig. Hélt að maður segði ... andvirði 10 milljarða íslenskra króna.

Tók sérstakt heilapróf áðan, það sama, nema smærra í sniðum, og fyrir nokkrum árum. Þá fékk ég að ég notaði bæði heilahvelin jafnmikið. Núna virðist ég vera stærðfræðihaus, algebra á m.a. að liggja vel fyrir mér, og fékk þá útkomu að ég notaði það vinstra meira. Ég er sem sagt hundleiðinleg ef hægt er að miða við myndina til hægri. Prófið endilega:
http://web.tickle.com/tests/brain/index_main.jsp

Athugasemdir

[Anna Ólafsdóttir Björnsson, 22.5.2007 kl. 19:49]

ERTU KOMIN Í SUMARFRÍ, GURRÍ??? Til hamingju með það. Ég ætla að taka heilaprófið, læt vita ef ég er sátt við úrslitin, annað hvort munnlega eða skriflega.

[Hrönn Sigurðardóttir, 22.5.2007 kl. 20:03]

Mín útkoma.....

....While many people have clearly dominant left- or right-brained tendencies, you are able to draw on skills from both hemispheres of your brain. This rare combination makes you a very creative and flexible thinker.

Svo var einhver downside - sem ég las auðvitað ekkert um og þeir vildu fá mig í nánari rannsóknir

[Anna Ólafsdóttir Björnsson, 22.5.2007 kl. 20:03]

Hæ, aftur, enn og aftur fæ ég bara að ég sé með nákvæmt jafnvægi milli heilahvelanna, eins og ég hafi heyrt þetta áður;-) - en gaman að þessari óvæntu stærðfræðihlið á þér, sendi þig bara fyrir mig í stærðfræðiprófin í vetur ;-)

[www.zordis.com, 22.5.2007 kl. 20:17]

æði að vera komin í sumarfrí ... æði æði !  Hlakka til að fara í mitt e. 10 vikur ...

[Jóna Á. Gísladóttir, 22.5.2007 kl. 20:43]

Ji minn. Missti mig alveg í einhverju IQ testum.. hættið að gefa möguleika inn á svona linka...

[Gerða Kristjáns, 22.5.2007 kl. 21:21]

Ohh hvað ég öfunda þig á að vera komin í sumarfrí, það verður eitthvað lítið um það á þessum bæ

[Guðríður Hrefna Haraldsdóttir, 22.5.2007 kl. 21:26]

Hef upplifað slík sumur ... í denn gat ég selt sumarfríin mín og notfærði mér það nokkrum sinnum ...

[Guðríður Hrefna Haraldsdóttir, 22.5.2007 kl. 21:32]

Láttu mig vita með fyrirvara. Þarf að fara í bæinn bæði á fimmtudag og föstudag. Hef ekki planað neitt meira.

[Gunna-Polly, 22.5.2007 kl. 21:59]

Hmm er þetta ekki haustfrí? sé nefnilega ekkert sumar í kristalkúlunni minni

[Hólmgeir Karlsson, 22.5.2007 kl. 22:00]

Gleðilegt sumarfrí :)  mikið dj... áttu gott.  ...

[Guðríður Hrefna Haraldsdóttir, 22.5.2007 kl. 22:02]

Ohhhhh, veður skiptir engu máli ... ég sólbrann í sumarfríinu snemmbúna í fyrra, í fyrsta skipti í 20 ár með svalir. 

[Guðný Jóhannesdóttir, 22.5.2007 kl. 22:32]

Gurrí hvernig væri að koma í Skagafjörðinn í sumarfríinu og vinna á alvöru héraðsfréttablaði hjá eina kvenkyns ritstjóra hérðasfréttablaðs á landinu. Vantar stuð á ristjórnina sem reyndar er skipuð mér einni. Orðin leið á að rífast við hinn karakterinn :)

En svona án þess að vera með öfund, njóttur, lifðu, njóttu í botn. Vildi að ég væri að fara í sumarfrí en það kemur sumar eftir þetta sumar.

[Guðríður Hrefna Haraldsdóttir, 22.5.2007 kl. 22:34]

Það væri sko ekki leiðinlegt að kíkja norður ... á ættir að rekja í Skagafjörðinn, Hróarsdal, og elska þennan stað. Hver veit, góð hugmynd.

[Margrét Annie Guðbergsdóttir, 22.5.2007 kl. 22:36]

Ertu strax komin í sumarfrí? Ég vona að þú hafir það gott og vertu nú almennilega löt. 

[Guðný Anna Arnþórsdóttir, 22.5.2007 kl. 22:46]

 

Ég held að þú sért bara bæði, hægra - og vinstrahvels manneskja. Algebrunörd er ekki svona alveg það fyrsta sem manni dettur í hug þegar maður hugsar um þig! Svo er svona próf auðvitað afskaplega takmarkað....en skemmtilegt..

Til hamingju með sumarfríið, mín kærasta bloggvinkona. Megirðu njóta lífsins og blogga heil lifandis býsn. Við bíðum!

[Guðríður Hrefna Haraldsdóttir, 22.5.2007 kl. 23:08]

Ég var alla vega bæði hægri og vinstri þegar ég tók löngu útgáfuna af þessu prófi og voða ánægð með það. Hef reyndar alltaf verið veik fyrir nördum, nú skil ég ástæðuna. Auðvitað reyni ég að skrifa ... en ósköp er ég sjálfhverf að skrifa um bílakaup, strætóvinkonu og útsýni (nýjasta færslan) þegar var verið að mynda stjórn ... nenni bara ekki í þetta þótt ég hafi heilmiklar skoðanir. Ánægð með sumt, annað ekki. 

[Dagmar Haraldsdóttir (IP-tala skráð) 22.5.2007 kl. 23:50]

Hæ bíla-pæja:)

Veit ekki alveg hvernig ég get náð í þig, líka þar sem þú ert komin í sumarfrí svo ég sendi bara á bloggið þitt.  Mig vantar svo netfangið hjá henni Erlu Dögg, arkitekt í USA en ég sá að þú tókst viðtal við hana. Gæti annað hvort heilahvelið sent mér það. Vantar vegna sýningarinnar Hönnun + heimili. :)

Frábært útsýni, ertu ekki ennþá í vesturbænum ??? Hvar ertu þá...

Eigðu yndislegt sumarfrí... mæli þó ekki með ferð á nýja bílnum þar sem mér sýnist stefnuljósið vera bilað eða eitthvað svoleiðis...

[Guðríður Hrefna Haraldsdóttir, 22.5.2007 kl. 23:57]

Hæ, Dagmar, sendu tölvupóst á [e-mail] til að fá netfang Erlu Daggar. 

Ég flutti upp á Skaga fyrir rúmu ári og vinn í bænum. Er 10 mínútum lengur á leiðinni í vinnuna með strætó frá Akranesi en úr Vesturbænum eftir að nýja strætókerfið kom. Kær kveðja til þín og þinna.  

[Dagmar Haraldsóttir (IP-tala skráð) 23.5.2007 kl. 00:21]

Takk fyrir það. Það hlaut að vera, kaffi-ilmurinn hefur eitthvað dofnað í vesturbænum, þegar ég hugsa um það. Svo...komin aftur í kaffimenninguna upp á Skaga. Hef oft sagt að eins og frönsk börn fái rauðvín í pelann fái börnin á Akranesi kaffi:) -Er alltaf með annan fótinn á Skaganum, vona að ég sjái þig á ferðinni:)

[Kristín M. Jóhannsdóttir, 23.5.2007 kl. 19:36]

Ég er auðvitað með vinstra heilahvel meira í notkun. Ekki skrítið  miðað við hvað ég geri.