Samkvæmistímabilið hafið

Mikið er veðrið stórkostlegt. Mótokrossmótið hefði átt að vera í dag. Svo verður klikkað veður í nótt og á morgun, algjört slagveður. Mikið vona ég að Ásta verði á bíl í fyrramálið, svona til öryggis ef strætó gengur ekki.
Við erfðaprins ætlum að sjá Astrópíu í kvöld í Bíóhöllinni á Akranesi. Við keyrðum þar framhjá í gær og eina sem við sáum var að myndin yrði sýnd sunnudag og mánudag, upplýsingar væru í síma 431 1100. Mikið höfum við reynt að hringja þangað en enginn símsvari segir KLUKKAN HVAÐ myndin verður, bara bíbbbb-hljóð. Hringdi í Ástu sem heldur að sýningar séu klukkan átta. Ætla samt að leita á Netinu, upplýsingar hljóta að finnast einhvers staðar.

Guðmundur kom í frábæra heimsókn í gær og gerði sér lítið fyrir og bauð okkur erfðaprinsinum út að borða á Galito. Fyrir forvitna þá fékk Guðmundur sér kalkúnasamloku, erfðaprinsinn litla pítsu og himnaríkisfrúin grænmetisrétt. Snilldarmatur. Við vorum tiltölulega nýbúin að úða í okkur eplaköku með vanillu- og súkkulaðifyllingu þannig að hungrið var svo sem ekki að drepa okkur. Mjög líflegt var á Galito. Allt fullt í salnum fyrir innan þannig að við sátum frammi og gátum m.a. fylgst með því hvaða Skagamenn nenntu ekki að elda og sóttu sér frekar pítsu.

Athugasemdir

[Einar Vignir Einarsson, 30.9.2007 kl. 13:21]

Hæ skólasystir mig vantar svo númer hjá góðri spákonu, veist þú ekki um eina góða sendu mér á e-malið mitt ef þú veist um eihverja.

[Jóna Á. Gísladóttir, 30.9.2007 kl. 13:36]

hahahaha yndisleg færsla. Sveitastemmningin í algleymingi. Bíósýningar óljósar og ekki hræðu að finna utan sýningartíma. Líka gott að vita hverjir í sveitinni nenna ekki að elda... hehe

Guðmundur grand á því og sætur í sér.

Vil benda Einari á spámiðilinn Ólöfu sem er í Hafnarfirði. Vandamálið er bara að ég er ekki með númer eða heimilisfang. Kannski einhver annar geti bjargað því.

[Guðríður Hrefna Haraldsdóttir, 30.9.2007 kl. 13:47]

Ja, Ólöf er frábær, fór til hennar fyrir mörgum árum. Svo er hún líka vinkona Hildu systur og kemur stundum í afmælið mitt. Búin að heimsækja mig á Skagann og alles. Frábær kona. Ég skal grafa upp heimilisfangið hennar fyrir þig Einar minn og senda þér í tölvupósti.

[Jenný Anna Baldursdóttir, 30.9.2007 kl. 14:00]

Er í stuði fyrir spámiðil  Værir þú til í að senda mér líka Gurrí?

Girnileg mynd ef ég væri ekki nýbúin að gúffa í mig.

Smjúts í sveitina.

[Þröstur Unnar, 30.9.2007 kl. 14:18]

Jóna, ég komst óséður framhjá forvitnum blaðamönnum muhhahaha

[krossgata, 30.9.2007 kl. 15:15]

Það borgar sig nú að vera með á hreinu hver gerir hvað og hver ekki.  Við lifum á upplýsingaöld. 

[Guðríður Hrefna Haraldsdóttir, 30.9.2007 kl. 15:56]

Óséður, Þröstur. Varstu á þvælingi í gærkvöldi og ég þekkti þig ekki? Það er sko bannað. :) Já, krossgata, mér finnst mjög áríðandi að vita hvaða heimili eru kærulaus um helgar og panta bara pítsu ... heheheh

[Jóna Á. Gísladóttir, 30.9.2007 kl. 16:26]

Þröstur hefur sem sagt pantað pizzu og þá aðeins Margaritu sem er mesta skömm á Skaganum sem hægt er að hugsa sér.

Gurrí, sendu mér Ólöfu líka plís. Væri til í að fara til hennar aftur

[Þröstur Unnar, 30.9.2007 kl. 17:01]

Jamm, þarf að fara hugsa minn gang varðandi kvöld og næturbrölt, og þyrfti kannski að fá ráðleggingar hjá spámiðli.

http://motta.blog.is/blog/motta/entry/325339/